جوہری تنصیبات پر امریکی حملے پر ایران کا ردعمل سامنے آگیا
ایران کا امریکی حملے پر سخت ردعمل
تہران (ڈیلی پاکستان آن لائن) امریکی طیاروں کی جانب سے ایران کی جوہری تنصیبات پر حملے کے بعد ایران کا ردعمل آگیا۔
یہ بھی پڑھیں: مسیحی اسپیکر دیوان بہادر ایس پی سنگھا نے اپنا کاسٹنگ ووٹ پاکستان کے حق میں ڈال کر اسمبلی سے پنجاب کی پاکستان کے ساتھ الحاق کی قرارداد پاس کروائی
ایرانی وزیر خارجہ کا بیان
نجی ٹی وی دنیا نیوز کے مطابق ایرانی وزیرخارجہ عباس عراقچی کا کہنا ہے کہ امریکہ نے ایران کی پُرامن جوہری تنصیبات پر حملہ کر کے اقوامِ متحدہ کے چارٹر، بین الاقوامی قانون اور این پی ٹی (NPT) کی سنگین خلاف ورزی کی ہے۔
یہ بھی پڑھیں: بھارت کے پاس پانی روکنے یا بہاؤ میں تبدیلی کا کوئی جواز نہیں: کمشنر انڈس واٹر
افسوسناک واقعات کا ذکر
عباس عراقچی نے سوشل میڈیا پر جاری کردہ اپنے بیان میں کہا کہ آج صبح کے واقعات نہایت افسوسناک اور قابلِ مذمت ہیں اور ان کے دیرپا نتائج ہوں گے۔
یہ بھی پڑھیں: لنڈ گینگ کے سربراہ کو شاہد لنڈ کو کیسے قتل کروایا گیا؟ نجی ٹی وی کے سنسنی خیز انکشافات
اقوامِ متحدہ کی ذمہ داری
ان کا مزید کہنا تھا کہ اقوامِ متحدہ کے ہر رکن کو اس انتہائی خطرناک، غیر قانونی اور مجرمانہ طرزِ عمل پر تشویش میں مبتلا ہونا چاہیے، اقوامِ متحدہ کے چارٹر کے تحت ایران اپنی خودمختاری، مفادات اور عوام کے دفاع کے لیے تمام آپشنز محفوظ رکھتا ہے۔
یہ بھی پڑھیں: پاکستان نے اپنی ڈیجیٹل کرنسی کے اجراء کیلئے جاپانی کمپنی کو منتخب کر لیا
اسرائیلی وزیر اعظم کا بیان
واضح رہے کہ اس سے قبل اسرائیلی وزیر اعظم نیتن یاہو نے حملے سے متعلق کہا تھا کہ ایران کی جوہری تنصیبات پر امریکی حملے اسرائیل سے مکمل رابطے کے ساتھ کیے گئے۔
یہ بھی پڑھیں: امریکا، اسرائیل اور ایران کے درمیان کشیدگی کے باعث تیل کی قیمتوں میں مسلسل تیسرے دن اضافہ
جوہری سائٹس پر حملہ
واضح رہے کہ اتوار کی صبح امریکہ نے ایران کی فردو، نطنز اور اصفہان جوہری سائٹس کو نشانہ بنایا جس سے متعلق ٹرمپ نے سوشل میڈیا سائٹ ٹرتھ سوشل پر بیان جاری کیا۔
ایرانی حکام کی اطلاع
اس کے علاوہ ایرانی حکام کا کہنا ہے کہ امریکی حملے سے قبل ہی جوہری تنصیبات کو خالی کرالیا گیا تھا۔
