کیا امریکی حملوں میں ایرانی جوہری تنصیبات مکمل تباہ ہوگئیں؟

امریکہ کا ایران کی جوہری تنصیبات پر حملہ

واشنگٹن (ڈیلی پاکستان آن لائن) امریکہ نے ایران اسرائیل جنگ میں مداخلت کرتے ہوئے ایران کی تین جوہری تنصیبات پر بم باری کی ہے۔ امریکی صدر ٹرمپ نے ایران کی جوہری تنصیبات ختم کرنے کا دعویٰ کیا ہے۔

یہ بھی پڑھیں: بلوچستان میں دہشتگردوں کی فائرنگ سے جاں بحق آصف کی 3ماہ قبل شادی ہونے کا انکشاف

حملوں کی تفصیلات

نجی ٹی وی جیو نیوز نے امریکی صدر ڈونلڈ ٹرمپ کے حوالے سے بتایا کہ امریکہ طیاروں نے فردو، نطنز اور اصفہان جوہری سائٹس کو نشانہ بنایا۔ امریکی میڈیا کے مطابق فردو جوہری سائٹ پر حملے میں 6 بی ٹو بم بار طیاروں نے 12 بنکر بسٹر بم گرائے، دیگر ایرانی جوہری سائٹس پر حملے میں 30 ٹو مہاک میزائل استعمال کیے گئے۔

یہ بھی پڑھیں: ریڈیو پاکستان حملہ کیس: عدالت کا ایم پی اے سمیت 5 ملزمان کو گرفتار کرنے کا حکم

امریکی صدر کا بیان

ایران پر حملے کے بعد واشنگٹن میں خطاب کرتے ہوئے صدر ٹرمپ نے کہا کہ ایران کی فردو، نطنز اور اصفہان کی جوہری تنصیبات کو نشانہ بنایا گیا۔ امریکہ کا مقصد ایران کی جوہری افزودگی کی صلاحیت کو ختم کرنا تھا اور ایران کی تنصیبات ختم کر دی گئی ہیں۔

یہ بھی پڑھیں: کنٹرول رومز قائم، شہری بلا خوف و خطر حق رائے دہی استعمال کریں: الیکشن کمشنر پنجاب

اسرائیلی وزیراعظم کا موقف

دوسری جانب اسرائیلی وزیراعظم نیتن یاہو کا کہنا ہے کہ ایران کا جوہری پروگرام اسرائیل کے وجود کے لیے خطرہ تھا، ایران کا جوہری پروگرام ختم کرنے کا وعدہ پورا ہوگیا ہے۔

یہ بھی پڑھیں: عجمان میں فیض احمد فیض کی یاد میں ایک منفرد اور یادگار محفل کا انعقاد، مختلف طبقہ فکر کے لوگوں کی شرکت

ایرانی حکام کا ردعمل

ایرانی ایٹمی توانائی ادارے نے فردو، نطنز اور اصفہان جوہری سائٹس پر حملوں کی تصدیق کی ہے تاہم یہ واضح نہیں کہ امریکی حملوں سے ایران کے جوہری پروگرام کو کتنا نقصان پہنچا ہے۔ خبرایجنسی کے مطابق ایک ایرانی عہدیدار نے بتایا کہ امریکی حملے سے پہلے جوہری تنصیبات کو خالی کرایا گیا تھا، نشانہ بنائی گئی سائٹس میں کوئی مواد نہیں تھا جو اخراج کا باعث بنے۔

یہ بھی پڑھیں: 5 آئی پی پیز کیساتھ معاہدے ختم کر رہے ہیں، عوام کو سالانہ 60 ارب روپے کا فائدہ ہوگا: وزیراعظم

جوہری تنصیبات کا نقصان

ایرانی خبر ایجنسی کے مطابق یرانی حکام نے بتایا ہے کہ فردو نیوکلیئر تنصیب کو زیادہ نقصان نہیں پہنچا، فردو نیوکلیئر تنصیب کو زمینی نقصان پہنچا ہے جسے بحال کیا جا سکتا ہے۔

بین الاقوامی قوانین کی خلاف ورزی

ایرانی نیوکلیئر ریگولیٹری اتھارٹی کا کہنا ہے کہ ایرانی نیوکلیئر سائٹس پر حملوں کے بعد آلودگی کے کوئی آثار نہیں، متاثرہ نیوکلیئر سائٹس کے ارد گرد رہنے والوں کو کوئی خطرہ نہیں ہے، ایران پرامن جوہری سرگرمیاں جاری رکھے گا۔ ایرانی حکام کا کہنا ہے کہ جوہری تنصیبات پر حملے بین الاقوامی قوانین اور این پی ٹی کی خلاف ورزی ہیں، امریکی حملے کئی روز سے جاری اسرائیلی حملوں کا تسلسل ہیں، آئی اے ای اے ان پر خاموش اور ممکنہ طور پر شریک جرم ہے۔