ایران کا آبنائے ہرمز بند اور امریکی فوجی اہداف کو نشانہ بنانے کا اعلان

ایران کا جواب: امریکی حملوں کی تصدیق

تہران (ڈیلی پاکستان آن لائن) ایران نے امریکی حملوں کی تصدیق کرتے ہوئے آبنائے ہرمز بند کرنے اور جوابی کارروائی کا اعلان کر دیا۔ ایران نے کہا ہے کہ امریکہ تھوڑا انتظار کرے، حملوں کی سزا بھگتے گا۔

یہ بھی پڑھیں: پی ٹی آئی پارلیمنٹیرینز کی رجسٹرار سپریم کورٹ سے ملاقات، یادداشت پیش کی

پاسداران انقلاب کا بیانیہ

نجی ٹی وی دنیا نیوز کے مطابق پاسداران انقلاب نے کہا ہے کہ ایران مشرق وسطی میں تمام امریکی اثاثوں کو نشانہ بنائے گا، یورپی یونین کا کوئی بھی بحری بیڑہ یورپ نہیں پہنچ سکے گا۔ اب ہمارے لیے جنگ شروع ہو چکی ہے، خطے میں موجود ہر امریکی شہری یا فوجی اب ہدف ہے。

یہ بھی پڑھیں: اداکارہ دیدار کا ریشم پردوسروں کی زندگیاں تباہ کرنے کا الزام

ایرانی رہنما کا بیان

ایرانی سپریم لیڈر آیت اللہ خامنہ ای نے ٹیلی گرام پر پوسٹ کیا کہ امریکہ جنگ میں اپنے نقصان کے لیے داخل ہوگیا ہے، اور یہ کہ امریکہ کو پہنچنے والا نقصان ایران سے کہیں زیادہ ہوگا۔

یہ بھی پڑھیں: چیمپئنز ٹرافی، پاکستان کے ہائبرڈ ماڈل مسترد کرنے پر میزبانی کس ملک کو مل سکتی ہے؟ بڑا دعویٰ

وزیر خارجہ کا موقف

ایرانی وزیر خارجہ عباس عراقی نے کہا کہ امریکی حملوں کے سنگین نتائج برآمد ہوں گے، اور ان حملوں کے دیرپا نتائج نکلیں گے۔ یہ حملے افسوسناک اور قابل مذمت ہیں، جو کہ عالمی قوانین کی خلاف ورزی ہے۔ ایران اپنی خودمختاری اور عوام کے دفاع کے لیے تمام اختیارات محفوظ رکھتا ہے۔

یہ بھی پڑھیں: حرمین شریفین کا دفاع ہر پاکستانی کیلئے ریڈ لائن، دفاعی معاہدے نے پاکستان اور سعودی عرب کو ایک ضابطے کا پابند کر دیا ، احسن اقبال

اقوام متحدہ کا ہنگامی اجلاس

ایران نے اقوام متحدہ کی سلامتی کونسل کا ہنگامی اجلاس بلانے کا مطالبہ کر دیا۔ ایرانی مشن نے امریکی حملوں کی سخت ترین الفاظ میں مذمت کرتے ہوئے مجرموں کو سزا دینے کا مطالبہ کیا۔

یہ بھی پڑھیں: سموگ پر قابو پانے اور فضائی بہتری میں ہر سال بتدریج بہتری آئے گی، سموگ پیشگوئی مرکز کی رپورٹ

حوثی تحریک کا ردعمل

یمن کی حوثی اکثریتی تنظیم انصار اللہ نے کہا ہے کہ ایران کی جوہری تنصیبات پر امریکی حملوں سے جنگ کا آغاز ہوگیا ہے۔ انصار اللہ کے سیاسی بیورو کے رکن محمد الفرح نے کہا کہ یہ واضح ہے کہ ڈونلڈ ٹرمپ دشمنی چاہتے ہیں تاکہ جنگ کا جلد خاتمہ ہو۔

یہ بھی پڑھیں: پاکستان کی فضائی حدود اتوار کی دوپہر 12 بجے تک بند کردی گئی

ایران کی جوہری توانائی تنظیم کا بیان

ایران کی جوہری توانائی تنظیم نے امریکہ کی جانب سے ایران کی تین جوہری تنصیبات پر کیے گئے حملوں کی سخت مذمت کی ہے اور اسے وحشیانہ حملہ قرار دیا ہے۔ تنظیم نے عالمی جوہری توانائی ایجنسی (IAEA) کو بھی تنقید کا نشانہ بنایا۔

یہ بھی پڑھیں: لاہور میٹرو بس میں خواتین مسافروں کے کانوں سے بالیاں نوچنے والی 2 برقعہ پوش خواتین گرفتار

ایران کا منفی اثرات سے انکار

ایران نے واضح کیا ہے کہ امریکی فضائی حملے کے بعد قم شہر اور اردگرد کے علاقوں کے مکینوں کو کسی قسم کا خطرہ لاحق نہیں۔ فردو کی جوہری تنصیب کے آس پاس تابکاری کے پھیلاؤ کے کوئی شواہد نہیں ملے۔

حماس کا ردعمل

فلسطین کی مزاحمتی تنظیم حماس نے امریکی کی جانب سے ایران کی جوہری تنصیبات پر کیے جانے والے حملوں کی شدید مذمت کی ہے اور اسے عالمی قانون کی کھلی خلاف ورزی قرار دیا ہے۔