عائشہ خان کی آخری رسومات خاموشی سے ادا، کوئی شوبز شخصیت شریک نہ ہوسکی

عائشہ خان کی آخری رسومات

کراچی (ڈیلی پاکستان آن لائن) اداکارہ عائشہ خان کی آخری رسومات خاموشی سے ادا کی گئیں، نہ میڈیا کو اطلاع دی گئی اور نہ ہی شوبز سے وابستہ کوئی شخصیت جنازے میں شریک ہوسکی۔

یہ بھی پڑھیں: 5 اگست احتجاج؛ پی ٹی آئی کارکنان کو جوڈیشل ریمانڈ پر جیل بھیجنے کا حکم

انتقال کی خبر

ڈان کے مطابق لیجنڈری اداکارہ عائشہ خان 76 برس کی عمر میں انتقال کرگئیں، تاہم جس پہلو نے عوام کو گہرے دکھ میں مبتلا کیا وہ اُن کی المناک اور تنہائی بھری موت تھی۔

یہ بھی پڑھیں: لاہور ہائی کورٹ کے جج کی 27 ویں ترمیم کے خلاف درخواست پر سماعت سے معذرت

لاش کی منتقلی

اداکارہ کے انتقال کی خبر ایک ہفتے تک منظرِ عام پر نہ آسکی۔ بعدازاں، پڑوسیوں کی شکایت پر پولیس نے کارروائی کی اور ان کی لاش کو ایدھی سرد خانے میں منتقل کردیا۔

یہ بھی پڑھیں: بلوچستان حکومت کی جانب سے چین سے خریدی گئی 21 جدید بسیں کراچی بندرگاہ پر پہنچ گئیں

فرح اقرار کی ویڈیو

فرح اقرار کی جانب سے یوٹیوب پر ایک ویڈیو جاری کی گئی، جس میں انہوں نے لیجنڈری اداکارہ عائشہ خان کی تدفین کے حوالے سے تفصیلات بیان کیں۔ ویڈیو میں فرح اقرار نے ایک تصویر دکھائی اور کہا کہ الوداع عائشہ خان، الوداع۔

یہ بھی پڑھیں: دھونی کی فرنچائز کی مسلسل شکستوں نے بالی ووڈ اداکارہ کو رلا دیا، ویڈیو وائرل

تدفین کی جگہ

انہوں نے بتایا کہ یہ تصویر اُن کی قبر کی ہے، جو ان کے والد کی قبر کے قریب بنائی گئی ہے اور انہیں خاموشی سے سپردِ خاک کر دیا گیا۔

یہ بھی پڑھیں: اراکین پنجاب اسمبلی نے 2025 میں قومی خزانے کو کتنے ارب کا نقصان پہنچایا؟ تفصیلات سامنے آگئیں

پولیس سٹیشن میں انکار

فرح اقرار کے مطابق عائشہ خان کے بیٹے پولیس سٹیشن پہنچے اور پوسٹ مارٹم کروانے سے انکار کر دیا۔ ان کا مؤقف تھا کہ یہ قدرتی موت ہے اور اب صرف آخری رسومات ادا کرنی ہیں۔

یہ بھی پڑھیں: نوجوان کھلاڑیوں کو سکندر رضا سے سیکھنا چاہیے ، وسیم اکرم

سخی حسن قبرستان میں تدفین

بعدازاں، اداکارہ کی میت ایدھی سرد خانے سے سخی حسن قبرستان منتقل کی گئی، جہاں بڑی خاموشی سے تدفین عمل میں لائی گئی۔

یہ بھی پڑھیں: ایران کے حملے، رونالڈو نے ریاض چھوڑ دیا، نجی طیارے میں کہاں روانہ ہو گئے؟ جانیے

میڈیا کی معلومات کی کمی

فرح اقرار کا کہنا تھا کہ میڈیا کو اس حوالے سے بہت کم معلومات حاصل ہوسکیں، صرف چند میڈیا نمائندوں کو ہی مرحومہ کی تدفین کا علم ہوسکا۔ ان کے مطابق نمازِ جنازہ بھی سخی حسن قبرستان کی مسجد میں ادا کی گئی، جس کے بعد تدفین مکمل کی گئی۔

یہ بھی پڑھیں: اسحاق ڈار کو کندھے میں ہیئر لائن فریکچر ہوا ہے، بیٹے کا بیان

شوبز کی عدم شرکت

انہوں نے مزید بتایا کہ عائشہ خان کے جنازے میں کوئی شوبز شخصیت شریک نہ ہو سکی کیونکہ کسی کو اطلاع نہیں دی گئی اور تمام معاملات بہت خاموشی اور نجی انداز میں انجام دیے گئے۔

زندگی کے آخری ایام

فرح اقرار کا کہنا تھا کہ عائشہ خان ایک خوش اخلاق اور ملنسار خاتون تھیں، مگر زندگی کے آخری ایام میں انہوں نے خود کو تنہا کر لیا تھا۔ اداکارہ کے پاؤں میں فریکچر ہوا تھا اور وہ شدید مایوسی کا شکار تھیں۔