عمران خان کے سامنے بجٹ رکھنا چاہتے ہیں، ملاقات نہیں کرائی جارہی : علی امین گنڈاپور

خیبر پختونخوا کے وزیراعلیٰ کا بیان

پشاور (ڈیلی پاکستان آن لائن) وزیراعلیٰ خیبرپختونخوا علی امین گنڈاپور نے کہا ہے کہ خیبر پختونخوا کے بجٹ کو بانی پی ٹی آئی کے سامنے رکھنا چاہتے ہیں، ان سے ہماری ملاقات نہیں کروائی جا رہی۔

یہ بھی پڑھیں: لاہور ائیرپورٹ پر کسٹم کی کارروائی، ایک کروڑ 80 لاکھ کے ہیرے اور دیگر سامان پکڑ لیا

بجٹ اور سیاسی سازشیں

جنگ کے مطابق وزیر اعلیٰ خیبرپختونخوا علی امین گنڈاپور نے اسمبلی سے خطاب کرتے ہوئے کہا کہ خیبر پختونخوا کے بجٹ کو بانی پی ٹی آئی کے سامنے رکھنا چاہتے ہیں، ان سے ہماری ملاقات نہیں کروائی جا رہی، یہ چاہتے ہیں کہ بجٹ پاس نہ ہو، اور فنانشل ایمرجنسی لگا کر حکومت کو ختم کیا جائے۔

یہ بھی پڑھیں: خضدار واقعہ پر دل خون کے آنسو رو رہا، ملک دشمنوں کو کسی صورت نہیں چھوڑیں گے، نائب وزیراعظم

سازشوں کا سامنا

علی امین گنڈاپور نے کہا کہ ہم اس سازش کو کامیاب ہونے نہیں دیں گے، جس دن بانی نے حکم دیا یہ حکومت ختم کر دوں گا۔ انہوں نے کہا کہ بانی پاکستان تحریک انصاف کی حکومت کو سازش کے تحت ختم کیا گیا، سب کو پتا ہے کہ یہ سازش کس نے کی تھی۔

یہ بھی پڑھیں: عید سے قبل پنجاب میں مہنگائی کا جن پھر سے بے قابو ہوگیا

عمران خان کی قیادت اور جمہوریت

انہوں نے کہا کہ بانی پی ٹی آئی عمران خان نے جمہوریت کی خاطر پنجاب اور خیبر پختونخوا کی حکومتوں کو تحلیل کیا، جب بانی پی ٹی آئی کہتے ہیں ہم حکومت ختم کردینگے مگر سازش نہیں ہونے دینگے۔

اہم مسائل اور چیلنجز

انہوں نے کہا کہ جس نے طاقت کو غلط استعمال کیا وہ تاریخ کا حصہ ہے، اگر یہ سمجھتے ہیں ان کا احتساب نہیں ہوگا تو وہ بھول میں ہیں۔ انہوں نے کہا کہ جب ہمیں صوبہ ملا تو یہاں پر صرف 18 دنوں کی تنخواہیں موجود تھیں، اس صوبے میں امن و امان کو خراب کرنے کے لیے کوئی کسر نہیں چھوڑی گئی تھی، اور اب بھی ڈرون حملے بند نہیں کیے جا رہے۔