ایران اسرائیل جنگ بندی کے بعد عالمی منڈی میں تیل کی قیمتوں میں بڑی کمی
ایران اور اسرائیل کے درمیان جنگ بندی
تہران (ڈیلی پاکستان آن لائن) ایران اور اسرائیل کے درمیان جنگ بندی اعلان کے بعد عالمی منڈی میں خام تیل کی قیمتوں میں بڑی کمی آئی ہے۔
یہ بھی پڑھیں: بی بی سی کی 100 خواتین: ‘سیکس کی علامت’ کہلائی جانے والی اداکارہ جنہوں نے اپنی شہرت کو ایڈز کے خلاف استعمال کیا
خام تیل کی قیمتوں میں کمی
ایران اور اسرائیل کے درمیان جنگ بندی اعلان کے بعد عالمی منڈی میں خام تیل برینٹ کی قیمت تقریباً 9 فیصد گر گئی، جس کے بعد خام تیل برینٹ کی قیمت 70 ڈالر فی بیرل پر آ گئی ہے۔ عالمی منڈی میں ڈبلیو ٹی آئی خام تیل کی قیمت 7.22 فیصد کمی کے ساتھ 68.51 ڈالر فی بیرل پر پہنچ گئی ہے۔
یہ بھی پڑھیں: لاہور میں گلوکارہ و اداکارہ عارفہ صدیقی کا گھر بھی سیلاب سے متاثر
امریکی صدر کا اعلان
واضح رہے کہ اب سے چند گھنٹوں قبل امریکی صدر ڈونلڈ ٹرمپ کی جانب سے ایران اور اسرائیل کے درمیان جنگ بندی کا اعلان کیا گیا تھا۔ پاکستان وقت کے مطابق ایران نے صبح 9 بجے سے جنگ بندی پر عملدرآمد شروع کر دیا ہے اور اسرائیل نے بھی اپنی فضائی حدود کھول دی ہیں۔
یہ بھی پڑھیں: دنیا میں 5 جنگیں روکیں، نوبل امن انعام کا بہترین امیدوار میں ہوں، ٹرمپ
جنگ بندی کی خلاف ورزی کی اپیل
امریکی صدر ٹرمپ کی جانب سے فریقین سے جنگ بندی کی خلاف ورزی نہ کرنے کی اپیل بھی کی گئی ہے۔
آبنائے ہرمز کی اہمیت
واضح رہے کہ آبنائے ہرمز سے سعودی عرب، متحدہ عرب امارات، کویت اور ایران سے یومیہ تقریباً 21 ملین بیرل تیل دیگر ممالک کو پہنچایا جاتا ہے۔ اس کے علاوہ، ان ملکوں میں پاکستان، چین، جاپان، جنوبی کوریا، یورپ، شمالی امریکا اور دنیا کے دیگر ممالک شامل ہیں۔ اس آبی گزرگاہ سے دنیا کے 20 فیصد تیل اور 30 فیصد گیس کی ترسیل ہوتی ہے، اور یہاں سے روزانہ تقریباً 90 اور سال بھر میں 33 ہزار بحری جہاز گزرتے ہیں۔
