پاک چین اقتصادی راہداری کے منصوبوں کی تکمیل کیلئے پرعزم ہیں: وزیراعظم

وزیراعظم کا اقتصادی راہداری کے منصوبوں کی کامیابی کے عزم کا اظہار

اسلام آباد(ڈیلی پاکستان آن لائن) وزیراعظم محمد شہباز شریف نے کہا ہے کہ پاکستان اقتصادی راہداری کے تحت جاری منصوبوں کی کامیابی سے تکمیل کے لیے پرعزم ہیں۔

یہ بھی پڑھیں: یوٹیلیٹی اسٹور رائٹ سائزنگ، 2800 کنٹریکٹ ملازمین فارغ

چین کے سفیر کے ساتھ ملاقات

نجی ٹی وی دنیا نیوز کے مطابق، اسلام آباد میں چین کے سفیر جیانگ زیڈونگ سے گفتگو میں محمد شہباز شریف نے کہا کہ شاہراہ قراقرم، ایم ایل ون، اور گوادر پورٹ کے عملی طور پر کام کرنے کے ساتھ ساتھ زراعت، صنعت اور آئی ٹی کے شعبوں میں تعاون بھی اہمیت رکھتا ہے۔

یہ بھی پڑھیں: آئی سی سی نے نئی رینکنگ جاری کردی ، بابر اعظم کی ٹیسٹ اور ون ڈے میں رینکنگ مزید بہتر

پاکستان اور چین کے درمیان تاریخی شراکت داری

وزیراعظم نے دونوں ملکوں کے درمیان تاریخی تذویراتی شراکت داری کا ذکر کرتے ہوئے کہا کہ پاکستان کے ساتھ مالی اور اقتصادی تعاون پر چین کی قیادت کے مشکور ہیں جس کی بدولت پاکستانی معیشت مستحکم کرنے میں مدد ملی اور میکرو اکنامک آؤٹ لُک میں بہتری آئی۔ یہ معاونت حکومت کے سماجی اور اقتصادی ترقی کے ایجنڈے کے لیے اہم ہے۔

یہ بھی پڑھیں: گوادر میں مذبح خانے کی تعمیر شروع، پاکستان سالانہ کتنے لاکھ گدھوں کی کھالیں اور گوشت چین کو برآمد کریگا؟ جانیے

شنگھائی تعاون تنظیم کے سربراہ اجلاس کی تیاری

محمد شہباز شریف نے صدر شی چن پنگ اور وزیر اعظم لی کیانگ کے لیے خیر سگالی کے جذبات اور چین میں ہونے والے شنگھائی تعاون تنظیم کے آئندہ سربراہ اجلاس کی نیک خواہشات کا اظہار کیا۔ انہوں نے اس سربراہ اجلاس میں شرکت کے لیے اپنے دورہ چین کے حوالے سے دونوں ممالک کے درمیان جاری مشاورت کا بھی تذکرہ کیا۔

یہ بھی پڑھیں: امریکہ اور ایران کے درمیان جامع امن معاہدہ ہوجائیگا: امریکی مندوب

علاقائی سلامتی کی صورتحال پر تبادلہ خیال

اس ملاقات میں علاقائی سلامتی کی صورتحال خاص طور پر ایران۔ اسرائیل تنازع میں حالیہ پیشرفت پر بھی تبادلہ خیال کیا گیا۔ چین کے سفیر نے مذاکرات اور سفارت کاری کے ذریعے بحران کے پرامن حل کے لیے اقوام متحدہ کی سلامتی کونسل سمیت ہر سفارتی فورم پر پاکستان کے فعال اور مثبت کردار کی تعریف کی۔ انہوں نے وزیراعظم کو دوطرفہ تعاون کے مختلف پہلوؤں سے آگاہ کیا۔