وزیراعظم شہباز شریف کا سعودی ولی عہد شہزادہ محمد بن سلمان سے ٹیلی فونک رابطہ

ٹیلی فونک رابطہ

اسلام آباد (ڈیلی پاکستان آن لائن) وزیراعظم شہباز شریف نے سعودی ولی عہد شہزادہ محمد بن سلمان سے ٹیلی فونک رابطہ کیا ہے۔ اس ملاقات میں انہوں نے شاہ سلمان بن عبدالعزیز کے لیے نیک تمناؤں کا اظہار کیا۔

یہ بھی پڑھیں: وزیراعظم شہبازشریف نے شیخہ اسماء الثانی پاکستان کے پہاڑوں اور سیاحت کے لیے برانڈ ایمبیسیڈر مقرر کردیا

حج انتظامات کی مبارکباد

وزیرِ اعظم ہاؤس کے اعلامیے کے مطابق، وزیراعظم شہباز شریف نے سعودی ولی عہد کو کامیاب حج انتظامات پر مبارکباد پیش کی اور پاکستانی حجاج کرام کی میزبانی پر سعودی حکومت کا شکریہ ادا کیا۔

یہ بھی پڑھیں: بھارت میں عمران خان کے ایکس اکاؤنٹ کی بندش، پی ٹی آئی کا سخت ردعمل سامنے آگیا

پاک، بھارت کشیدگی پر گفتگو

وزیرِاعظم نے پاک بھارت حالیہ کشیدگی کے دوران سعودی حمایت پر اظہار تشکر کیا اور بھارت سے تنازعات پر بامعنی مذاکرات کی خواہش کا اعادہ کیا۔

یہ بھی پڑھیں: دیہی خواتین کو مفت مویشی دینے کا فیصلہ، معاشی ترقی، دیہات میں رہنے والی بیٹی کا بھی حق ہے: وزیر اعلیٰ مریم نواز

مختلف امور پر گفتگو

وزیرِاعظم شہباز شریف نے مسئلہ کشمیر، پانی، تجارت، اور دہشت گردی جیسے اہم امور پر بات چیت پر زور دیا ہے۔ انہوں نے ایران اور اسرائیل کے تنازع کے فوری خاتمے اور مذاکرات سے حل کی حمایت بھی کی، اور عالمی قوانین اور اقوامِ متحدہ کے چارٹر کی پاسداری پر زور دیا۔

یہ بھی پڑھیں: پی ٹی آئی دہشتگردوں کے لیے نرم گوشہ رکھتی ہے، جرگہ کا خواہ مخواہ واویلا کیا جا رہا ہے: طلال چودھری

سعودی عرب کی حمایت کا اعادہ

وزیرِاعظم نے سعودی عرب کی خود مختاری اور سالمیت کی مکمل حمایت کا اعادہ کرتے ہوئے علاقائی امن کے لیے سعودی قیادت کی کوششوں کو سراہا۔

سعودی ولی عہد کا شکریہ

اعلامیے کے مطابق، اس موقع پر سعودی ولی عہد شہزادہ محمد بن سلمان نے وزیراعظم شہباز شریف کی یکجہتی پر تشکر کا اظہار کیا اور مشرقِ وسطیٰ میں دیرپا امن کے لیے سعودی عزم کا اعادہ کیا۔