ایران نے اسرائیل کے لیے جاسوسی کے الزام میں تین افراد کو سولی دے دی

ایران میں جاسوسی کے الزام میں پھانسی

تہران (ڈیلی پاکستان آن لائن) ایران نے اسرائیل کے لیے جاسوسی کے الزام میں تین افراد کو پھانسی دے دی ہے۔

یہ بھی پڑھیں: پاکستان سیاحت کیلئے محفوظ ملک، لوگ امن پسند ہیں: عطا تارڑ

ملک میں اہم شخصیات کے قتل کی کوشش

بی بی سی نے خبر رساں ایجنسی میزان کے حوالے سے بتایا کہ ادریس عالی، آزاد شجاعی اور رسول احمد نے ملک میں اہم شخصیات کو قتل کرنے کے لیے آلات درآمد کرنے کی کوشش کی تھی اور ان کے خلاف مقدمہ کے بعد انھیں مجرم قرار دیا گیا تھا۔

یہ بھی پڑھیں: روس اور یوکرین کے درمیان 307 قیدیوں کا تبادلہ

معلومات کی کمی

بی بی سی فارسی کے مطابق میزان نیوز ایجنسی نے ان تینوں افراد کی گرفتاری، مقدمے میں الزامات، یا مقدمے اور کارروائی کے بارے میں تفصیلات شائع نہیں کی ہیں لیکن دعویٰ کیا ہے کہ تینوں افراد نے الکوحل مشروبات کی کھیپ کی آڑ میں ایران میں دہشت گردی کا سامان درآمد کیا اور اسے ایک اہم شخصیت کے قتل کے لیے استعمال کیا۔

یہ بھی پڑھیں: فٹبال نکلانے کیلئے کنویں میں اترا، کوشش کے باوجود ہر بار نیچے گر جاتا، گہری ہوتی شام نے اندھیرا کر دیا،قسمت اچھی کہ کمپنی کے ملازمین ادھر آن نکلے

قتل کی گئی شخصیت کی شناخت

میزان نیوز ایجنسی نے مقتول شخصیت کے بارے میں کوئی تفصیلات فراہم نہیں کی ہیں۔

یہ بھی پڑھیں: پوتا پوتی سے دوستانہ رشتہ ہے، ’انور‘ کہہ کر مخاطب کرتے ہیں، انور مقصود

انسانی حقوق کے کارکنوں کی تشویش

تیاد رہے کہ حالیہ دنوں میں انسانی حقوق کے کارکنوں نے اسرائیل کے ساتھ ملک کی 12 روزہ جنگ کے بہانے ایران کے اندر پھانسیوں اور خونی جبر کے آغاز سے خبردار کیا ہے۔

گرفتاریوں کی تعداد میں اضافہ

فارس نیوز ایجنسی پاسداران انقلاب کے ایک قریبی ذریعے نے بدھ کی صبح بھی اعلان کیا کہ گزشتہ 12 دنوں میں 700 کے قریب افراد کو اسرائیل کے ساتھ جاسوسی اور تعاون کے الزام میں گرفتار کیا گیا ہے۔