غزہ پر اسرائیل کے وحشیانہ حملے جاری، مزید 80 فلسطینی شہید

غزہ میں اسرائیلی حملے جاری

غزہ (ڈیلی پاکستان آن لائن) میں اسرائیل کے وحشیانہ حملے بدستور جاری ہیں۔ حالیہ حملوں کے نتیجے میں 80 سے زائد فلسطینی شہید ہو گئے ہیں۔

یہ بھی پڑھیں: 9 مئی کی ذمہ دار پوری پی ٹی آئی قیادت، آج دھول بٹھانے کی باتیں کر رہے ہیں: عطاتارڑ

فائرنگ اور بمباری کا مشاہدہ

نجی ٹی وی جیو نیوز کی رپورٹ کے مطابق، منگل کے روز اسرائیلی فوج نے امداد کے لیے جمع ہونے والے لوگوں پر فائرنگ اور گولہ باری کی، جبکہ بے گھر فلسطینیوں پر بم گرا دیے۔

یہ بھی پڑھیں: چین کا بھارت پر ٹیرف وار

شہید فلسطینیوں کی تعداد

غزہ کے ہسپتالوں کے طبی ذرائع کا کہنا ہے کہ اسرائیلی فورسز اور ڈرونز نے منگل کی صبح سے اب تک کم از کم 86 فلسطینیوں کو شہید کیا، جن میں 56 بے گھر افراد شامل ہیں جو امداد حاصل کرنے کی کوشش کر رہے تھے۔

یہ بھی پڑھیں: 460 روڈ کی تعمیر و توسیع اور بحالی کا کام تیزی سے جاری، اگلے مالی سال میں انٹر ڈسٹرکٹ اور انٹر ویلج روڈ کی تعمیر و بحالی کی تجویز

زخمیوں کی حالت

خبر رساں ادارے ایسوسی ایٹڈ پریس کے مطابق، وادی غزہ کے جنوب میں کم از کم 25 افراد شہید ہوئے جبکہ 140 سے زائد زخمی ہیں، جن میں 62 کی حالت تشویشناک ہے۔

یہ بھی پڑھیں: رواں سال کا پہلا سورج گرہن 17 فروری کو ہوگا

مزاحمتی حملے میں اسرائیلی فوجی ہلاک

دوسری جانب، خان یونس میں فلسطین کی مزاحمتی تنظیم حماس کے حملے میں 3 اسرائیلی فوجی ہلاک ہو گئے۔ ایرانی خبر ایجنسی کے مطابق، اسرائیلی فوج کی آرمڈ گاڑی پر حملے سے آگ بھڑک اٹھی، جس کی وجہ سے ان کو مدد کے لیے ہیلی کاپٹر بلانا پڑا۔

مذاکرات کی امید

ادھر قطر نے غزہ میں جنگ بندی مذاکرات دوبارہ شروع ہونے کی توقع ظاہر کی ہے۔ حماس نے اسرائیلی جارحیت کے مکمل خاتمے کے لیے بات چیت کے لیے آمادگی ظاہر کر دی ہے۔