پاکستان سپورٹس بورڈ کی جانب سے ارشد ندیم کو 20 لاکھ روپے کا ایوارڈ

پروقار تقریب کا انعقاد

اسلام آباد(ڈیلی پاکستان آن لائن)پاکستان سپورٹس بورڈ (پی ایس بی) کے زیر اہتمام کھلاڑیوں کے اعزاز میں ایک پروقار تقریب کا انعقاد کیا گیا جس میں مختلف کھیلوں میں نمایاں کارکردگی دکھانے والے 36 مرد و خواتین کھلاڑیوں میں 82 لاکھ روپے کے نقد انعامات تقسیم کیے گئے۔

یہ بھی پڑھیں: جرنیل کے قتل کے الزام میں 6 سالہ بچی گرفتار

اعزازات اور انعامات

نجی ٹی وی سما نیوز کے مطابق تقریب میں ایتھلیٹ ارشد ندیم کو ایشین چیمپئن شپ میں گولڈ میڈل جیتنے پر 20 لاکھ روپے اور ساؤتھ ایشین سنوکر چیمپئن محمد آصف کو 5 لاکھ روپے کا نقد ایوارڈ دیا گیا۔

اس کے علاوہ سپورٹس فیڈریشنز کے لیے 3.29 کروڑ روپے کی سالانہ گرانٹ اور 3.1 کروڑ روپے کی خصوصی گرانٹ تقسیم کی گئی۔

یہ بھی پڑھیں: شادی کے وقت شاہ رخ خان کا نام بدل کر کونسا ہندو نام رکھا تھا؟ بیوی گوری نے بڑا انکشاف کردیا

وزیراعظم کے مشیر کا خطاب

تقریب سے خطاب کرتے ہوئے وزیراعظم کے مشیر برائے بین الصوبائی رابطہ رانا ثنا اللہ نے کہا کہ دنیا بھر کی حکومتیں کھیلوں کے فروغ کے لیے سہولیات فراہم کرتی ہیں اور پاکستان کو بھی اس معیار تک پہنچنے کی ضرورت ہے تاکہ ہمارے نوجوان نہ صرف اپنا بلکہ پاکستان کا نام بھی روشن کریں۔

یہ بھی پڑھیں: چوہدری شفقت محمود کو دو سال کے لیے صدر اور چوہدری عبدالخالق لک کو سکریٹری جنرل پاکستان انوسٹرز فورم نامزد کیا گیا

سپورٹس فیڈریشنز کی گرانٹس

تقریب میں ایتھلیٹکس فیڈریشن کو ایک کروڑ روپے، نیشنل رائفل ایسوسی ایشن کو 70 لاکھ روپے جبکہ ہینڈ بال، والی بال، اور سکواش فیڈریشنز کو 50 لاکھ روپے کی گرانٹ دی گئی۔