نیب نوٹس، عدالت نے اعظم سواتی کے خلاف کارروائی سے روک دیا

اعظم سواتی کے خلاف نیب کارروائی پر عدالت کا فیصلہ

پشاور(ڈیلی پاکستان آن لائن) پی ٹی آئی رہنما اعظم سواتی کو نیب خیبرپختونخوا کی جانب سے نوٹس جاری ہونے کے معاملے پر عدالت نے نیب کو کارروائی سے روک دیا اور جواب طلب کر لیا۔

یہ بھی پڑھیں: نشتر ہسپتال ملتان میں ڈائیلیسز کے 30 مریض ایڈز کا شکار ہو گئے

سماعت کےDetails

نجی ٹی وی چینل دنیا نیوز کے مطابق عدالت میں اعظم سواتی کی دائر درخواست پر سماعت جسٹس سید ارشد علی اور جسٹس خورشید اقبال پر مشتمل دو رکنی بنچ نے کی، اعظم سواتی وکیل کے ساتھ عدالت میں پیش ہوئے۔

یہ بھی پڑھیں: ڈمپرز حادثات: گاڑیاں جلانے والے افراد کو گرفتار کرنے کا حکم دیا ہے، وزیر داخلہ سندھ

نیب کی جانب سے نوٹس جاری

وکیل نے عدالت کو بتایا کہ نیب خیبرپختونخوا نے اعظم سواتی کو کوہستان سیکنڈل میں پیش ہونے کی ہدایت کی ہے۔ درخواست گزار کے خلاف 100 سے زائد مقدمات درج کئے گئے ہیں، نیب کا یہ نوٹس اسی مہم کا حصہ ہے جو پہلے سے درخواست گزار کے خلاف چل رہا ہے۔

یہ بھی پڑھیں: شیرافضل مروت نے پارٹی کو عمران خان کی رہائی کیلئے پلان بی کی تجویز دیدی

عدالت کا ردعمل

اعظم سواتی کے وکیل نے مؤقف اپنایا کہ درخواست گزار کو جو نوٹس جاری ہوا ہے اس میں کوئی الزام عائد نہیں کیا گیا ہے۔

سماعت کا اختتام

جسٹس ارشد علی نے کہا کہ درخواست گزار انکوائری جوائن کریں۔ وکیل نے استدعا کی کہ درخواست گزار کے خلاف کوئی کارروائی نہ کی جائے، اس پر عدالت نے کہا کہ درخواست گزار کے خلاف کوئی کارروائی نہیں کی جائے گی، تحقیقات جوائن کریں، نیب کوئی کارروائی نہیں کرے گی۔

عدالت نے 16 جولائی تک سماعت ملتوی کرتے ہوئے نیب خیبرپختونخوا سے جواب طلب کرلیا۔