کراچی میں کل سے تیز بارش کی پیشگوئی، سلسلہ اتوار تک جاری رہنے کا امکان

محکمہ موسمیات کی پیشگوئی

کراچی (ڈیلی پاکستان آن لائن) محکمہ موسمیات نے گرمی کے ستائے شہر قائد کے باسیوں کیلئے بلآخر تیز بارش کی پیشگوئی کردی۔

یہ بھی پڑھیں: ملک کے مختلف علاقوں میں موسلا دھار بارشیں جاری

مون سون کا آغاز

نجی ٹی وی جیو نیوز کے پروگرام ’جیوپاکستان‘ میں گفتگو کرتے ہوئے میٹرولوجسٹ انجم نذیر نے کہا کہ کراچی میں مون سون کے پہلے سپیل کا آغاز کل شام سے ہوسکتا ہے۔ مون سون سسٹم کے زیر اثر کراچی میں جمعہ سے اتوار کے دوران بارش کا امکان ہے۔

یہ بھی پڑھیں: وہ ملک جہاں صدر کی بیٹی پر کتاب لکھنے والے مصنف کو گرفتار کر لیا گیا

بارش کی تفصیلات

انہوں نے بتایا کہ کراچی میں ہفتے کے روز پورا دن بارش جاری رہ سکتی ہے جو وقفے وقفے سے تیز ہوگی۔ انجم نذیر کا کہنا تھا کہ ہفتے کو تیز بارش کے باعث اربن فلڈنگ کا خدشہ ہے، جبکہ شہر میں اتوار کو بھی وقفے وقفے سے بارش کا سلسلہ جاری رہنے کا امکان ہے۔

یہ بھی پڑھیں: نیپرا نے کے الیکٹرک کا اوسط ٹیرف 39روپے 47پیسے مقرر کردیا

ہوا کے دباؤ کا اثر

انہوں نے مزید بتایا کہ بھارتی گجرات میں ہوا کا کم دباؤ موجود ہے، جو آئندہ دنوں سندھ میں بارش کا باعث بنے گا۔ بارش کی وجہ سے سندھ کے بیشتر شہروں میں اربن فلڈنگ کا خدشہ ہے۔

آج کا درجہ حرارت

کراچی میں آج کتنی گرمی پڑے گی؟ انجم نذیر کے مطابق آج بدین، ٹھٹہ اور میرپورخاص میں بارش کا امکان ہے، جبکہ کراچی میں آج درجہ حرارت زیادہ سے زیادہ 35 ڈگری تک جاسکتا ہے۔