کراچی میں کل سے تیز بارش کی پیشگوئی، سلسلہ اتوار تک جاری رہنے کا امکان

محکمہ موسمیات کی پیشگوئی

کراچی (ڈیلی پاکستان آن لائن) محکمہ موسمیات نے گرمی کے ستائے شہر قائد کے باسیوں کیلئے بلآخر تیز بارش کی پیشگوئی کردی۔

یہ بھی پڑھیں: پاکستانی کرکٹر حیدر علی پر خاتون کاریپ کا الزام، نئے حقائق سامنے آگئے

مون سون کا آغاز

نجی ٹی وی جیو نیوز کے پروگرام ’جیوپاکستان‘ میں گفتگو کرتے ہوئے میٹرولوجسٹ انجم نذیر نے کہا کہ کراچی میں مون سون کے پہلے سپیل کا آغاز کل شام سے ہوسکتا ہے۔ مون سون سسٹم کے زیر اثر کراچی میں جمعہ سے اتوار کے دوران بارش کا امکان ہے۔

یہ بھی پڑھیں: لاہور ہائیکورٹ میں 27ویں آئینی ترمیم کیخلاف درخواستیں 5 دسمبر کو سماعت کے لئے مقرر

بارش کی تفصیلات

انہوں نے بتایا کہ کراچی میں ہفتے کے روز پورا دن بارش جاری رہ سکتی ہے جو وقفے وقفے سے تیز ہوگی۔ انجم نذیر کا کہنا تھا کہ ہفتے کو تیز بارش کے باعث اربن فلڈنگ کا خدشہ ہے، جبکہ شہر میں اتوار کو بھی وقفے وقفے سے بارش کا سلسلہ جاری رہنے کا امکان ہے۔

یہ بھی پڑھیں: کراچی: عمارت منہدم ہونے کے مقدمے میں ایس بی سی اے کے 8 افسران اور مالک گرفتار

ہوا کے دباؤ کا اثر

انہوں نے مزید بتایا کہ بھارتی گجرات میں ہوا کا کم دباؤ موجود ہے، جو آئندہ دنوں سندھ میں بارش کا باعث بنے گا۔ بارش کی وجہ سے سندھ کے بیشتر شہروں میں اربن فلڈنگ کا خدشہ ہے۔

آج کا درجہ حرارت

کراچی میں آج کتنی گرمی پڑے گی؟ انجم نذیر کے مطابق آج بدین، ٹھٹہ اور میرپورخاص میں بارش کا امکان ہے، جبکہ کراچی میں آج درجہ حرارت زیادہ سے زیادہ 35 ڈگری تک جاسکتا ہے۔