بالی وڈ اداکار عامر خان کی فلم ‘دنگل’ پر پابندی لگا کر افسوس ہوا: مریم اورنگزیب

مریم اورنگزیب کا بیان

لاہور (ڈیلی پاکستان آن لائن) پنجاب کی سینئر وزیر مریم اورنگزیب نے کہا ہے کہ انہیں بالی وڈ اداکار عامر خان کی فلم 'دنگل' پر پابندی لگا کر افسوس ہوا۔

یہ بھی پڑھیں: چین کے زرمبادلہ ذخائر کتنے۔۔۔؟حیران کن اعدادوشمار سامنے آ گئے

انٹرویو میں گفتگو

تفصیلات کے مطابق مریم اورنگزیب نے حال ہی میں اداکار عمر بٹ کو انٹرویو دیا جس میں انہوں نے مختلف موضوعات پر بات کی۔ میزبان نے سینئر صوبائی وزیر سے سوال کیا کہ ایک سمجھوتا جو آپ کو لگتا ہے نہیں کرنا چاہیے تھا؟ اس کے جواب میں مریم اورنگزیب نے کہا کہ بالی وڈ اداکار عامر خان کی فلم 'دنگل' پر پابندی نہیں لگانی چاہیے تھی۔

یہ بھی پڑھیں: پنجاب میں وی وی آئی پیز کی سیکیورٹی کے لیے 5 نئی جیمرز گاڑیاں خریدنے کی منظوری

پابندی کی وجوہات

مریم اورنگزیب نے اس کی وجہ بتاتے ہوئے کہا کہ میں نے وہ فلم نہیں دیکھی تھی اور ان ہی دنوں میں وزیر اطلاعات بنی تھی، سینسر بورڈ کے ساتھ میٹنگ ہوئی اور انہوں نے فلم پر پابندی کی کچھ وجوہات بتائیں، بھارتی فلموں پر پہلے سے ہی پابندی لگی ہوئی تھی اس وجہ سے 'دنگل' پر بھی پابندی لگا دی۔

یہ بھی پڑھیں: سکھ فار جسٹس تنظیم نے بھارت میں عیسائیوں کے لیے محفوظ وطن ’’ٹرمپ لینڈ‘‘ کا نقشہ جاری کردیا

فلم کا اثر

انہوں نے مزید کہا کہ پابندی لگانے کے ڈیڑھ سال بعد میں نے عامر خان کی یہ فلم دیکھی تھی تو تب سے مجھ پر یہ بوجھ ہے۔

یہ بھی پڑھیں: وفاقی حکومت کے قرض میں کمی

'دنگل' کی کامیابی

واضح رہے کہ عامر کی فلم 'دنگل' 2016 میں ریلیز ہوئی تھی، یہ ایک کامیاب فلم تھی جس نے کروڑوں کی کمائی کی اور اس فلم میں کبڈی کے کھیل کو دکھایا گیا تھا۔

ویڈیو