رقم لے کر واپس نہ کرنے کا الزام، عدالت نے اداکارہ نازش کو طلب کر لیا
عدالت کا نازش جہانگیر کو طلب کرنے کا حکم
لاہور (ڈیلی پاکستان آن لائن) عدالت نے اداکارہ نازش جہانگیر کو آئندہ سماعت پر طلب کر لیا ہے۔
یہ بھی پڑھیں: بجلی یونٹ پر 7 روپے کمی کا ریلیف ختم ہوگیا
سماعت کی تفصیلات
رپورٹ کے مطابق، کینٹ کچہری لاہور میں پاکستان شوبز کی اداکارہ نازش جہانگیر کے خلاف استغاثہ کیس کی سماعت ہوئی۔ اداکارہ کے وکیل نے حاضری معافی کی درخواست پیش کی۔
یہ بھی پڑھیں: سوات میں اعلیٰ سطحی اجلاس، منگورہ شہر میں عوام کو درپیش مسائل کے حل کے لیے اہم ہدایات جاری
درخواست کی بنیاد
درخواست میں مؤقف اختیار کیا گیا کہ اداکارہ کی طبعیت ناساز ہے اور وہ اسپتال میں داخل ہیں۔ اس سلسلے میں انہیں مہلت دی جائے۔ عدالت نے نازش جہانگیر کی ایک روزہ حاضری معافی کی درخواست منظور کرتے ہوئے انہیں آئندہ سماعت پر طلب کر لیا۔
یہ بھی پڑھیں: ایسا پاکستان بنائیں گے جسے کوئی دشمن میلی آنکھ سے دیکھنے کا تصور بھی نہ کر پائے گا: مریم نواز
عدالت کے احکامات
عدالت نے آئندہ سماعت پر حاضری معافی کا اصلی سرٹیفکیٹ بھی طلب کر لیا۔
یہ بھی پڑھیں: سپریم کورٹ؛ 67 لاکھ فراڈ کیس کے ملزم کی ضمانت مسترد
استغاثہ کا موقف
جوڈیشل مجسٹریٹ نے اداکار اسود کی درخواست پر سماعت کی۔ اسود کی جانب سے چوہدری بابر ایڈووکیٹ پیش ہوئے۔ استغاثہ میں موقف اختیار کیا گیا کہ اداکارہ نازش جہانگیر نے رقم لیکر واپس نہیں کی۔
قانونی کاروائی کی درخواست
استغاثہ کی جانب سے استدعا کی گئی کہ عدالت نازش جہانگیر کے خلاف امانت میں خیانت سمیت دیگر دفعات کے تحت قانونی کاروائی کرنے کا حکم دے۔
