سندھ ہائی کورٹ: ایڈیشنل چیف سیکرٹری داخلہ سندھ کیخلاف نیب انکوائری کالعدم۔

سندھ ہائی کورٹ کا فیصلہ

کراچی (ڈیلی پاکستان آن لائن) سندھ ہائی کورٹ نے ایڈیشنل چیف سیکرٹری داخلہ سندھ اقبال میمن کے خلاف نیب انکوائری کو کالعدم قرار دے دیا۔

یہ بھی پڑھیں: پاک بھارت کشیدگی، سعودی وزارت خارجہ کا اہم بیان آگیا

عدالتی حکم

روزنامہ جنگ کے مطابق، عدالتِ عالیہ نے ایڈیشنل چیف سیکرٹری داخلہ سندھ کے خلاف نیب انکوائری کالعدم قرار دینے کا تحریری حکم بھی جاری کر دیا ہے۔

یہ بھی پڑھیں: مشکل کی گھڑی میں بھی مخصوص ٹولہ گندی سیاست کررہا ہے: عظمیٰ بخاری

پیرول رہائی کا معاملہ

حکم میں عدالت نے کہا ہے کہ نیب نے اقبال میمن کو پیرول پر زیرِ حراست قیدی کی رہائی کے معاملے پر انکوائری نوٹس بھیجا تھا، وزیرِ اعلیٰ ملزم کو 48 گھنٹے سے زائد پیرول پر رہائی کی اجازت دے سکتے ہیں۔

یہ بھی پڑھیں: ضم شدہ اضلاع کے 267 ارب واجب الادا، وفاق فنڈز منتقل کرے: بیرسٹر سیف

قانونی تقاضے پورے

سندھ ہائی کورٹ نے اپنے حکم میں کہا ہے کہ ملزم کی پیرول پر رہائی کے لیے تمام قانونی تقاضوں کو پورا کیا گیا ہے۔ زیرِ حراست ملزم کی پیرول پر رہائی عدالتی نہیں بلکہ انتظامی اقدام ہے۔

نیب کی ناکامی

عدالتِ عالیہ نے اپنے حکم میں کہا ہے کہ نیب پراسیکیوٹر اور سرکاری وکیل ملزم کی پیرول پر رہائی میں بے ضابطگی ثابت نہیں کر سکے۔ ملزم پر ابھی جرم ثابت نہیں ہوا، اور اسے خاندان کے اہم مواقع پر شرکت سے محروم نہیں کیا جا سکتا۔