بانی پی ٹی آئی کہیں گے تو پورا بجٹ سکریپ کر دیں گے: مزمل اسلم

کے پی حکومت کے مشیرِ خزانہ کی اہم باتیں

راولپنڈی(ڈیلی پاکستان آن لائن) کے پی حکومت کے مشیرِ خزانہ مزمل اسلم کا کہنا ہے کہ بانیٔ پی ٹی آئی جب کہیں گے اس کے مطابق بجٹ دیں گے، وہ کہیں گے تو پورا بجٹ سکریپ کر دیں گے، اگر تبدیل کرنا ہوا تو بجٹ کو 10 بار تبدیل کریں گے۔

یہ بھی پڑھیں: بانی پی ٹی آئی کے خلاف 8 مقدمات میں مدعی پولیس، تمام میں سازش کی نوعیت اور تفصیل کا ذکر نہیں، وکیل سلمان صفدر کے ضمانت کی درخواستوں پر دلائل

جیل کے قریب گفتگو کا پس منظر

روزنامہ جنگ کے مطابق اڈیالہ جیل کے قریب ناکے پر گفتگو کرتے ہوئے مزمل اسلم نے کہا کہ یہ نہ سمجھا جائے کہ بانیٔ پی ٹی آئی سے ملنے نہیں دیں گے تو ایسا کچھ نہیں ہے۔

یہ بھی پڑھیں: جنوبی ایشیا میں فِن ٹیک کا نیا دور شروع، بھارت کیلیے مایوسی، پاکستان، بنگلہ دیش اور نیپال تیزی سے آگے بڑھ رہے ہیں، اہم تفصیلات جانیے۔

پیشگی ملاقات کی تفصیلات

انہوں نے بتایا کہ بجٹ دینے سے ایک ہفتہ پہلے بانیٔ پی ٹی آئی سے ملے تھے، انہوں نے کہا تھا کہ بجٹ پیش کریں تو آ جانا، ہمیں ابھی تک ان سے ملنے نہیں دیا گیا، ہم نے آئینی مدت میں بجٹ پیش کرنا تھا اور منظور بھی کرنا تھا۔

یہ بھی پڑھیں: گوجر خان میں شادی کی تقریب میں کھانا کھانے سے 200 افراد کی حالت غیر، وجہ کیا بنی؟ ابتدائی تحقیقاتی رپورٹ آگئی

بجٹ کی نوعیت اور چیلنجز

مزمل اسلم نے کہا کہ بجٹ میں بہت ساری چیزیں ہوتی ہیں، ایک سیلری اور ایک نان سیلری ہوتی ہے۔ اگر ہمیں بجٹ اخراجات کی اجازت نہیں دی جائے گی تو ہم کیسے معاملات چلائیں گے؟ تنخواہ پہلی تاریخ کو دینی ہوتی ہے، اگر بجٹ اجازت نہیں دے گا تو کیسے دیں گے؟

عارضی بجٹ کا اعلان

ان کا کہنا ہے کہ ہم نے وقتی طور پر بجٹ دے دیا ہے، اس کو عارضی بجٹ ہی سمجھیں، اگر تبدیل کرنا ہوا تو بجٹ کو 10 بار تبدیل کریں گے، ہم نے سر پلس بجٹ دیا، ہم اس کے مالک ہیں۔