سوات میں جانی نقصان کے بعد پی ڈی ایم اے خیبرپختونخوا نے الرٹ جاری کردیا

پی ڈی ایم اے کا الرٹ

سوات(ڈیلی پاکستان آن لائن) سوات میں جانی نقصان کے بعد پی ڈی ایم اے خیبرپختونخوا نے الرٹ جاری کردیا۔

یہ بھی پڑھیں: فہرست کے علاوہ کوئی فرد عمران خان سے ملاقات نہیں کریگا، پی ٹی آئی کی سیاسی کمیٹی کا فیصلہ

دریائے سوات میں خطرہ

پی ڈی ایم اے کا کہنا ہے کہ دریائے سوات میں انتہائی درجے کے سیلاب کا خطرہ ہے، دریائے سوات میں خوازہ خیلہ کے مقام پر پانی کی سطح 77,782 کیوسک تک پہنچ چکی ہے۔ شدید بارشوں کے باعث پشاور، چارسدہ اور نوشہرہ کے اضلاع کو ہائی الرٹ کر دیا گیا ہے۔ مراسلے میں انسانی جانوں، املاک، فصلوں اور مویشیوں کے تحفظ کے لیے فوری احتیاطی اقدامات کی ہدایت دی گئی ہے۔

یہ بھی پڑھیں: بلاول بھٹو زرداری نے ٹنڈوجام کے سیلاب متاثرین کو گھروں کا تحفہ دے دیا

حفاظتی اقدامات

پی ڈی ایم اے نے سیلاب سے متاثر ہونے والے علاقوں کی نشاندہی کرکے وہاں حفاظتی اقدامات یقینی بنانے کے احکامات جاری کردئیے۔ ریسکیو، سول ڈیفنس اور دیگر ہنگامی اداروں کو نشیبی اور حساس علاقوں میں ہائی الرٹ رہنے کی ہدایات کردی۔

یہ بھی پڑھیں: ٹنڈوالہ یار؛ گندم کی فی من قیمت 2200 سے بڑھ کر 4ہزار روپے ہو گئی

متاثرہ آبادی کی نقل مکانی

دریائے کابل اور اس کے معاون دریاؤں کے کنارے آبادیوں کو ممکنہ خطرات سے بروقت آگاہ کیا جا رہا ہے۔ ضلعی حکام کو ہدایت کی گئی ہے کہ وہ متاثرہ علاقوں کی آبادی کو محفوظ مقامات پر منتقل کریں۔ انتظامیہ ریلیف کیمپوں میں خوراک، ادویات اور رہائش کی سہولیات فوری طور پر مہیا کریں۔

یہ بھی پڑھیں: میرے خلاف تقریر کیوں کی؟ اے این پی رہنما اسفندیار ولی کا پی ٹی آئی رکن شفیع جان کو 10 کروڑ روپے ہرجانے کا نوٹس

کاشتکاروں کی ہدایت

کاشتکاروں اور مویشی پال حضرات کو اپنے مویشیوں کو دریاؤں کے کناروں اور نشیبی علاقوں سے دور محفوظ مقامات پر منتقل کرنے کی ہدایت کی گئی ہے۔ عوام کو بھی یہ ہدایت دی گئی ہے کہ وہ غیر ضروری سفر اور خطرناک مقامات پر گاڑیوں کے استعمال سے اجتناب کریں۔ پانی جمع ہونے کی صورت میں مشینری اور دیگر ضروری آلات اہم مقامات پر پہلے سے پہنچائے جائیں تاکہ فوری کلیئرنس ممکن ہو۔