ڈی جی آئی ایس پی آر کی بانی پی ٹی آئی سے مذاکرات یا پس پردہ رابطوں کی تردید

ڈجی آئی ایس پی آر کا بیان

راولپنڈی(ڈیلی پاکستان آن لائن)ڈی جی آئی ایس پی آر  لیفٹیننٹ جنرل احمد شریف چودھری نے بانی پی ٹی آئی سے مذاکرات یا پس پردہ رابطوں کی تردید کردی۔

یہ بھی پڑھیں: برطانیہ، فرانس اور کینیڈا نے اسرائیل پر پابندیاں عائد کرنے کی دھمکی دے دی

فوج اور سیاسی جماعتوں کا تعلق

نجی ٹی وی چینل دنیا نیوز کے مطابق، ڈی جی آئی ایس پی آر نے ایک انٹرویو میں کہا ہے کہ فوج سیاسی جماعتوں سے بات کرنے میں دلچسپی نہیں رکھتی، یہ سیاستدانوں کا کام ہے کہ وہ آپس میں بات کریں۔ انہوں نے مزید کہا کہ مسلح افواج کو برائے مہربانی سیاست میں ملوث نہ کیا جائے۔

یہ بھی پڑھیں: قوم پاک فوج کے ہر افسر، ہر جوان، ہر شہید اور ہر غازی کو سلام پیش کرتی ہے: وزیر اعلیٰ مریم نواز

ریاست کے ساتھ بات چیت

ڈی جی آئی ایس پی آر کا مزید کہنا تھا کہ ہم پاکستان کی ریاست سے بات کرتے ہیں، جو بھی حکومت ہوتی ہے وہی اس وقت کی ریاست ہوتی ہے، اور افواج پاکستان اس ریاست کے تحت کام کرتی ہیں۔

یہ بھی پڑھیں: جامنی کوئی رنگ نہیں بلکہ دماغ کا تخلیق کردہ ایک وہم ہے، ماہرین کا انکشاف

فوج کی اتحاد اور حکام کی تبعیت

لیفٹیننٹ جنرل احمد شریف چودھری کا کہنا تھا کہ ہم اندرونی و قومی سطح پر چٹان کی طرح متحد ہیں۔ فوج وفاقی و صوبائی حکومت کے احکامات پر عمل کرتی ہے۔ انہوں نے کہا کہ حکومت کسی بھی جماعت کی ہو، فوج عوامی تحفظ کیلئے آتی ہے۔

فوج کی تعیناتی کے فیصلے

فوج خیبرپختونخوا اور بلوچستان میں صوبائی احکامات پر تعینات ہے، اور فوج کی تعیناتی کا فیصلہ سیاسی قیادت کرتی ہے۔