چیئرمین جوائنٹ چیفس آف سٹاف کمیٹی جنرل ساحر شمشاد مرزا کا آسٹریلیا کا سرکاری دورہ، 14ویں سالانہ دفاعی و سلامتی مذاکرات میں شرکت
راولپنڈی کا دورہ
راولپنڈی (ڈیلی پاکستان آن لائن) چیئرمین جوائنٹ چیفس آف سٹاف کمیٹی جنرل ساحر شمشاد مرزا، نشانِ امتیاز (ملٹری) نے آسٹریلیا کا دورہ کیا جہاں انہوں نے 14ویں سالانہ دفاعی و سلامتی مذاکرات میں شرکت کی۔
یہ بھی پڑھیں: اپوزیشن کا الیکشن کمیشن کی جانب مارچ، بھارتی کانگریس پارٹی کے رہنما راہول گاندھی اور پریانگا گاندھی سمیت دیگر رہنماؤں کو حراست میں لے لیا گیا
عسکری قیادت سے ملاقاتیں
دورے کے دوران، چیئرمین جوائنٹ چیفس آف سٹاف کمیٹی جنرل ساحر شمشاد مرزا نے آسٹریلیا کی اعلیٰ سول و عسکری قیادت سے ملاقاتیں کیں، جن میں چیف آف ڈیفنس فورسز ایڈمرل ڈیوڈ جانسٹن، ڈائریکٹر جنرل آفس آف نیشنل انٹیلی جنس اینڈریو شیئرر، چیف آف آسٹریلین آرمی لیفٹیننٹ جنرل سائمن اسٹورٹ اور محکمہ خارجہ و تجارت کی سفیر برائے انسداد دہشت گردی جیمما ہیگنز شامل ہیں۔
یہ بھی پڑھیں: پی ٹی آئی نے جتنی سختی برداشت کرنی تھی کر لی، مصطفیٰ نواز کھوکھر
دفاعی و سلامتی مذاکرات
آئی ایس پی آر کے مطابق دفاعی و سلامتی مذاکرات کا مقصد باہمی تفہیم کو فروغ دینا اور دونوں افواج کے درمیان تعاون کے نئے امکانات تلاش کرنا تھا۔ ملاقاتوں میں عالمی و علاقائی صورتحال، سلامتی کو درپیش چیلنجز اور موجودہ دو طرفہ عسکری روابط کو مزید فروغ دینے کے مواقع پر تفصیلی تبادلۂ خیال کیا گیا۔
یہ بھی پڑھیں: پنجاب بھر میں مزید 600 ڈے کیئر سینٹرز قائم کیے جائیں گے: پارلیمانی سیکرٹری سعدیہ تیمور کا تقریب سے خطاب
پاکستان کا سکیورٹی نقطۂ نظر
اس موقع پر، چیئرمین جوائنٹ چیفس آف سٹاف کمیٹی جنرل ساحر شمشاد مرزا نے آسٹریلین ڈیفنس کالج میں "پاکستان کا سکیورٹی نقطۂ نظر" کے موضوع پر لیکچر دیا، جس میں انہوں نے علاقائی امن و استحکام کے لیے پاکستان کی خدمات کو اجاگر کیا۔
یہ بھی پڑھیں: حیدرآباد سے فتنہ الہندوستان کے روپوش 2 دہشتگرد گرفتار
آسٹریلوی بحری جہاز کا دورہ
چیئرمین جے سی ایس سی نے آسٹریلوی بحری جہاز ایچ ایم اے ایس ایڈیلیڈ کا بھی دورہ کیا۔
دورے کے آغاز پر چیف آف ڈیفنس فورسز کے دفتر آمد پر چیئرمین جے سی ایس سی جنرل ساحر شمشاد مرزا کو تینوں افواج کے چاق و چوبند دستے نے گارڈ آف آنر پیش کیا۔
