نواز شریف کو مائنس کرنے والے آج خود مائنس ہو گئے: مریم نواز

وزیراعلیٰ پنجاب کا اہم بیان

لاہور (ڈیلی پاکستان آن لائن) وزیراعلیٰ پنجاب مریم نواز شریف نے کہا کہ جو کہتے تھے نواز شریف مائنس آج وہ خود مائنس ہوگئے، ان کو کسی نے مائنس نہیں کیا، ان کی ناقص کارکردگی نے مائنس کیا ہے۔

یہ بھی پڑھیں: لاہور: سی سی ڈی سے مبینہ مقابلے میں 4 منشیات فروش ہلاک

جنوبی پنجاب میں بے بنیاد وعدے

نجی ٹی وی دنیا نیوز کے مطابق پنجاب اسمبلی میں اظہار خیال کرتے ہوئے وزیراعلیٰ مریم نواز شریف نے کہا کہ میری بہن علیمہ خان نے خود فرما دیا بانی مائنس ہو چکے ہیں، آج ہم نہیں کہہ رہے بانی کی بہنیں مائنس کی بات کر رہی ہیں۔

یہ بھی پڑھیں: پنجاب حکومت نے سموگ سے نمٹنے کے لئے جامع منصوبہ تیارکرلیا، موٹرویز کے اطراف 3 کلو میٹر علاقہ سموگ فری ہوگا

عوام کی بلا تفریق خدمت

مریم نواز نے کہا کہ جنوبی پنجاب کے نام پر کتنی حکومتیں بنائی اور گرائی گئیں، جنوبی پنجاب کے ساتھ جھوٹے وعدے کیے گیے، ہم نے اعلانات کے بجائے عملی اقدامات کیے، اپنے وعدے پورے کیے۔

یہ بھی پڑھیں: ملک بھر کےلیے بجلی مہنگی کر دی گئی

اپوزیشن کا شور شرابا

وزیر اعلیٰ پنجاب کے خطاب کے دوران اپوزیشن ارکان نے شور شرابا شروع کر دیا جس پر مریم نواز نے کہا کہ اپوزیشن کو لگے رہنے دیں، ان کے حق کو تسلیم کرتی ہوں۔

یہ بھی پڑھیں: افغانستان سے مذاکرات سے معاملات طے نہ پائے تو کیا ہو گا؟ وزیر دفاع خواجہ آصف کھل کر بول پڑے

صاف پانی منصوبے کا آغاز

مریم نواز نے کل (ہفتہ) سے صاف پانی منصوبہ شروع کرنے کا اعلان کر دیا، انہوں نے کہا کہ پینے کے صاف پانی کا سب سے بڑا منصوبہ جنوبی پنجاب سے شروع کرنے جا رہے ہیں۔

یہ بھی پڑھیں: مودی شکست خوردہ وزیراعظم، صرف دھمکیاں دے سکتا ہے: وفاقی وزیراطلاعات

سیاسی محاذ

انہوں نے کہا کہ میرا مقابلہ کسی اور سے نہیں اپنی ہی جماعت کے بڑوں سے ہے، جن کا نام نواز شریف اور شہباز شریف ہے، صوبے بھر میں عوام کی بلا تفریق خدمت کر رہے ہیں، صوبے بھر میں عوام کو اقلیتی کارڈ اور کسان کارڈ دیئے گئے۔

یہ بھی پڑھیں: بیٹی مریم اورنگزیب نے کوئی سرجری نہیں کرائی، دو تین ماہ سے سخت ڈائٹ پر ہے، والدہ طاہرہ اورنگزیب

پنجاب کی ترقی کے اقدامات

وزیر اعلیٰ پنجاب نے کہا کہ جنوبی پنجاب کی ترقی پر خصوصی توجہ دے رہے ہیں، میرے لیے پنجاب کا ہر گاؤں، تحصیل ایک جیسی ہے، پنجاب کے عوام کو ان کا حق ان کی دہلیز تک پہنچایا جا رہا ہے۔

یہ بھی پڑھیں: ایران میں احتجاجی مظاہروں میں ہلاکتوں کی تعداد 5002 تک پہنچ گئی

تاریخی بجٹ کی منظوری

مریم نواز نے کہا کہ تاریخی بجٹ کی منظوری پر ارکان اسمبلی کو خراج تحسین پیش کرتی ہوں، ہم نے تاریخ کا سب سے منظم 5335 ارب کا بجٹ دیا ہے، ہم نے تاریخ میں پہلی بار ٹیکس فری بجٹ دیا ہے، میں آپ کو، پارلیمنٹیرینز کو اور پورے پاکستان کو بھارت کے خلاف فتح پر مبارکباد پیش کرتی ہوں۔

یہ بھی پڑھیں: چیئرمین پی سی بی محسن نقوی کا راولپنڈی کرکٹ سٹیڈیم کا دورہ، پاکستان اور سری لنکا کی ٹیموں سے ملاقات

پاکستان کی امن کی کوششیں

انہوں نے کہا کہ افواج پاکستان کو اور وزیراعظم شہباز شریف کو خراج تحسین پیش کرتی ہوں، میں ایران پر اسرائیلی حملے کی مذمت کرتی ہوں، پاکستان امن کے اصولوں پر چلنے والی پرامن ریاست ہے، پاکستان قوم ایران کے ساتھ کھڑے ہونے پر قابل ستائش ہے۔

یہ بھی پڑھیں: 190 ملین پاؤنڈ ریفرنس؛ عمران خان اور بشریٰ بی بی نے سوالنامے کے جواب جمع نہیں کرائے، سماعت 13 نومبر تک ملتوی

مالی استحکام کی کوششیں

مریم نواز نے کہا کہ پنجاب کا 30 سال سے ڈومیسٹک ڈیٹ آج تقریباً ختم ہو چکا ہے، ہم نے کوئی نیا ٹیکس لگانے کے بجائے ٹیکس نیٹ کو وسیع کیا ہے، اس کے نتیجے میں ریونیو میں اضافہ ہوا ہے، وزیر خزانہ مجتبی شجاع الرحمان اور سیکرٹری خزانہ مجاہد شیر دل کی کاوشیں قابل تحسین ہیں، دونوں شخصیات نے نواز شریف کے ایجنڈے کے مطابق بجٹ بنایا۔

یہ بھی پڑھیں: بلال بن ثاقب کی امریکی صدر ڈونلڈ ٹرمپ سے منسلک ورلڈ لبرٹی فنانشل کی خصوصی تقریب میں شرکت

سرکاری اخراجات میں کنٹرول

وزیر اعلیٰ پنجاب نے کہا کہ سرکاری اخراجات میں صرف تین فیصد اضافہ ہوا ہے، جس میں تنخواہوں میں اور پنشن میں اضافہ شامل ہے، مائنز اینڈ منرلز میں 30 ارب روپے کی پنجاب نے بچت کی ہے، وزارت معدنیات میں انقلابی اقدامات قابل تحسین ہیں۔

تمام علاقوں کی یکساں ترقی

مریم نواز کا کہنا تھا کہ صوبہ بھر میں عوام کی بلاتفریق خدمت کر رہے ہیں، میرے ہر منصوبے میں پنجاب کے ہر علاقے کے شہری کا وہی حصہ ہے جو لاہور کے باسیوں کا حصہ ہے، بھکر، لیہ راجن پور، ڈی جی خان، رحیم یار خان سب شامل ہیں جس طرح لاہور والے شامل ہیں۔