کانٹا لگا: بھارتی اداکارہ شیفالی جریوالہ کا انتقال

بھارتی اداکارہ شیفالی جریوالہ کا انتقال

ممبئی(ڈیلی پاکستان آن لائن) بھارتی اداکارہ، ریئلیٹی ٹی وی اسٹار اور گانے 'کانٹا لگا' میں اپنی ڈانس پرفارمنس سے شہرت حاصل کرنے والی شیفالی جریوالہ 42 سال کی عمر میں انتقال کر گئیں۔

یہ بھی پڑھیں: پاکستان بزنس کونسل دبئی کے زیر اہتمام ینگ انٹرپرینیورز گیٹ ٹوگیدر کا انعقاد

دل کا دورہ

بھارتی میڈیا کے مطابق شیفالی کو جمعرات کی رات اچانک دل کا دورہ پڑا۔ انہیں فوری طور پر ان کے شوہر اداکار پراگ تیاگی اور 3 دیگر افراد کے ہمراہ ممبئی کے اسپتال منتقل کیا گیا لیکن بدقسمتی سے وہ جانبر نہ ہو سکیں۔ اسپتال کے عملے نے تصدیق کی کہ شیفالی اسپتال لائے جانے سے پہلے ہی انتقال کر چکی تھیں۔

یہ بھی پڑھیں: کہاں کہاں عزت کا سمجھوتہ کرنا پڑتا ہے

موت کی وجہ

بھارتی میڈیا کے مطابق اگرچہ اداکارہ کی موت کی حتمی وجہ کا باضابطہ اعلان ابھی تک نہیں کیا گیا، لیکن ابتدائی طور پر دل کا دورہ ہی بنیادی وجہ قرار دیا جا رہا ہے۔

یہ بھی پڑھیں: سنی اتحاد کونسل کے چیئرمین صاحبزادہ حامد رضا کو اسلام آباد پولیس نے گرفتار کر لیا

شہرت کی بلندی

واضح رہے کہ شیفالی جریوالہ 2002 میں 'کانٹا لگا' گانے کی ویڈیو میں پرفارمنس سے راتوں رات شہرت کی بلندی پر پہنچ گئی تھیں۔ اس کے بعد انہوں نے نچ بلیے اور بگ باس 13 جیسے شوز میں بھی شرکت کی۔

صدمہ اور تعزیت

شیفالی کی اچانک موت کی خبر نے شوبز انڈسٹری اور ان کے مداحوں کو گہرے صدمے میں مبتلا کر دیا ہے۔