غزہ میں آئندہ ہفتے تک جنگ بندی ہو جائے گی: ٹرمپ نے امید کا اظہار کر دیا

امریکی صدر ڈونلڈ ٹرمپ کا بیان

واشنگٹن (ڈیلی پاکستان آن لائن) امریکی صدر ڈونلڈ ٹرمپ نے غزہ میں جنگ بندی اگلے ہفتے تک ممکن ہونے کی امید کا اظہار کیا۔ نجی ٹی وی جیو نیوز کے مطابق، ٹرمپ نے وائٹ ہاؤس میں میڈیا سے گفتگو کرتے ہوئے کہا کہ ہم غزہ میں جنگ بندی کے قریب ہیں اور میرا خیال ہے کہ آئندہ ہفتے تک جنگ بندی ہو جائے گی۔

یہ بھی پڑھیں: مرغی کا گوشت مزید سستا ،انڈے مہنگے ہو گئے

غزہ کی خراب صورتحال

ٹرمپ نے غزہ کی صورتحال کو بہت خراب قرار دیا۔ انہوں نے کہا کہ امریکہ رقم اور غذا فراہم کررہا ہے، جبکہ اس معاملے میں کوئی اور ملک ہماری مدد نہیں کر رہا۔

یہ بھی پڑھیں: بیگم آباد احمد خاں پیپلز پارٹی کی طرف سے ایم پی اے بنیں، 1960ء کے عشرہ میں ہمارے ادارہ پاکستان یوتھ موومنٹ کے سیمینارز میں تشریف لائیں

ایران کی ایٹمی تنصیبات پر ردعمل

وائٹ ہاؤس میں میڈیا سے گفتگو کے دوران جب صدر ٹرمپ سے پوچھا گیا کہ اگر مستقبل میں انٹیلی جنس رپورٹس میں ایران کی جانب سے یورینئیم کی افزودگی سے متعلق تشویش ناک نتائج آئے تو کیا وہ ایران پر بمباری کرنے پر غور کریں گے؟ تو صدر ٹرمپ نے جواب دیا کہ وہ ایران کی ایٹمی تنصیبات پر دوبارہ حملے سے بالکل گریز نہیں کریں گے۔

یہ بھی پڑھیں: دبئی حکام نے غیر قانونی تارکین وطن کو وارننگ جاری کر دی

ایران کے سپریم لیڈر کا بیان

ٹرمپ نے کہا کہ انہیں توقع ہے کہ بین الاقوامی ایٹمی توانائی ایجنسی کے معائنہ کار یا کسی دوسرے قابل احترام ادارے کے اہلکار ایران کی نیوکلیئر تنصیبات کا معائنہ کریں گے۔ صدر ٹرمپ نے ایران کے سپریم لیڈر آیت اللہ خامنہ ای کے اس بیان پر جلد ردعمل دینے کا عزم ظاہر کیا، جس میں آیت اللہ خامنہ ای نے کہا تھا کہ قطر میں امریکی فوج کے اڈے پر حملہ کرکے ایران نے امریکہ کے چہرے پر تھپڑ مارا ہے۔

یہ بھی پڑھیں: اگر میری داڑھی ہے تو کیا میں صرف مُلّا ہی بن سکتا ہوں؟

بھارت اور پاکستان کے درمیان جنگ بندی

اسی تقریب سے خطاب کرتے ہوئے، ٹرمپ نے بھارت اور پاکستان کے درمیان جنگ بندی کا بھی ایک بار پھر کریڈٹ لیا اور دونوں ملکوں کی قیادت کی تعریف کی۔ انہوں نے کہا کہ وہ بھارت اور پاکستان کے معاملے حل کرنے پر خوش ہیں، کیونکہ دونوں کے پاس اعلیٰ سطح کے ایٹمی ہتھیار ہیں۔ ہم نے یہ معاملہ تجارت کے ذریعے حل کیا ہے۔

یہ بھی پڑھیں: حکومت ٹرانسپورٹ، انفراسٹرکچر اور ریل کے نظام کی ترقی پر تیزی سے کام کر رہی ہے، بلال اظہر کیانی

صدارت کا خطرناک عہدہ

امریکی صدر نے کہا کہ صدارت ایک انتہائی خطرناک عہدہ ہے۔ انہوں نے پنسلوینیا میں کان پر گولی لگنے کے تجربے کی یاد دہانی کروائی اور کہا کہ اگر کسی نے انہیں پہلے بتایا ہوتا کہ صدارت میں مرنے کا خطرہ پانچ فیصد ہے تو وہ شاید اس دوڑ میں حصہ نہ لیتے۔

شمالی کوریا کے ساتھ تنازعہ

اس کے علاوہ، صدر ٹرمپ نے امید ظاہر کی کہ وہ شمالی کوریا کے لیڈر کم جانگ اُن سے تنازعہ بھی جلد ختم کرلیں گے۔ انہوں نے کینیڈا کے ساتھ تجارتی مذاکرات فوری طور پر ختم کرنے کا اعلان کیا اور کہا کہ کینیڈا سے ڈیل کرنا مشکل کام ہے۔