پیوٹن نے روس امریکہ تعلقات میں بہتری کا کریڈٹ ٹرمپ کو دے دیا

روسی صدر کی اعتراف

ماسکو (ڈیلی پاکستان آن لائن) روسی صدر ولادیمیر پیوٹن نے روس اور امریکہ کے تعلقات میں بہتری کا کریڈٹ امریکی صدر ڈونلڈ ٹرمپ کو دیا۔

یہ بھی پڑھیں: آرٹیفیشل انٹیلی جنس گروک نے فوجی تنصیبات پر حملے اور شہداء کی یادگار مسمار کرنے کے عمل کو غداری قرار دیدیا

پریس کانفرنس میں بیان

نجی ٹی وی جیو نیوز نے غیر ملکی میڈیا کے حوالے سے بتایا کہ روسی صدر نے ایک پریس کانفرنس کے دوران کہا کہ ڈونلڈ ٹرمپ کی کوششوں کے سبب روس اور امریکہ کے درمیان تعلقات مستحکم ہونا شروع ہوگئے ہیں۔

یہ بھی پڑھیں: موسمیاتی تبدیلی اتھارٹی کے قیام سے متعلق کیس ؛26ویں آئینی ترمیم سے متعلق جسٹس منصور علی شاہ اور جسٹس عائشہ ملک کے دلچسپ ریمارکس

ٹرمپ کے ساتھ ملاقات کی خواہش

پیوٹن نے کہا کہ وہ صدر ٹرمپ کا بے حد احترام کرتے ہیں اور ان سے ملاقات کرنا چاہتے ہیں۔ انہوں نے واضح کیا کہ اس ملاقات کی انتہائی احتیاط سے تیاری کرنے کی ضرورت ہے، تاہم یہ ممکن ہے کہ یہ ملاقات ہو۔

تعلقات میں بہتری کی امید

پیوٹن نے کہا کہ وہ صدر ٹرمپ کے شکر گزار ہیں کہ دونوں ملکوں کے تعلقات بہرحال بہتر ہونا شروع ہوئے ہیں۔ انہوں نے مزید کہا کہ سفارتی تعلقات کے دائرے میں ہر بات پر فیصلہ تو نہیں ہوا، مگر ابتدائی اقدامات کرلیے گئے ہیں اور اس جانب پیشرفت جاری ہے۔