ڈونلڈ ٹرمپ کی امریکہ کی ایران کو سویلین جوہری پروگرام کی تعمیر کیلئے 30 بلین ڈالر دینے کی خبروں کی سختی سے تردید

ٹرمپ کی فیک نیوز پر تنقید

تہران (ڈیلی پاکستان آن لائن) امریکی صدر ڈونلڈ ٹرمپ نے غیر ملکی میڈیا میں چلنے والی رپورٹس کہ امریکا ایران کو سویلین جوہری پروگرام کی تعمیر کے لیے 30 ارب ڈالر دینا چاہتا ہے کہ سختی سے تردید کرتے ہوئے اسے فیک نیوز قرار دیا ہے۔

یہ بھی پڑھیں: سپیکر نے بجٹ کے لیے قومی اسمبلی کے شیڈول کی منظوری دے دی

سوشل میڈیا پر ٹرمپ کا پیغام

تفصیلات کے مطابق صدر ٹرمپ نے ان رپورٹس کو سختی سے مسترد کرتے ہوئے جمعہ کی رات اپنے سوشل میڈیا پلیٹ فارم "ٹروتھ سوشل" پر لکھا کہ "کون سا گھٹیا شخص فیک نیوز میڈیا میں پھیلا رہا ہے کہ میں ایران کو غیر فوجی نیوکلیئر سہولیات کی تعمیر کے لیے 30 ارب ڈالر دینا چاہتا ہوں؟ میں نے اس مضحکہ خیز خیال کے بارے میں کبھی نہیں سنا۔ یہ سراسر ایک دھوکہ بازی ہے۔"

العربیہ کی رپورٹ

یہ بھی پڑھیں: والدین و اساتذہ کا احترام اور عزت میں ہی کامیابی اور فلاح ہے: قونصل جنرل پاکستان خالد مجی

ایران اور امریکہ کے درمیان مذاکرات

العربیہ نے رپورٹ میں دعویٰ کیا ہے کہ ایران اور امریکہ کے درمیان نیوکلیئر ڈیل سے واقف چار ذرائع نے بتایا ہے کہ ٹرمپ انتظامیہ نے سویلین جوہری پروگرام کی تعمیر کے لیے ایران کو 30 بلین ڈالر تک رسائی میں مدد دینے، پابندیوں میں نرمی، اور اربوں ڈالر کے محدود ایرانی اثاثوں کو آزاد کرنے کے امکان پر بات کی ہے۔ یہ سب تہران کو مذاکرات کی میز پر واپس لانے کی بھرپور کوشش کا حصہ ہے۔

یہ بھی پڑھیں: جعفر، میر صادق ہر دور میں رہے ہیں، سازشوں کا یہ سلسلہ آج بھی جاری ہے، بی بی وفاق کی علامت تھی اور ان کے بہیمانہ قتل نے یہ علامت مٹا دی۔

پس پردہ بات چیت

العربیہ نے ذرائع سے دعویٰ کیا ہے کہ امریکہ اور مشرق وسطیٰ کے اہم کھلاڑیوں نے ایرانیوں کے ساتھ پس پردہ بات چیت کی ہے، حتیٰ کہ گزشتہ دو ہفتوں کے دوران ایران اور اسرائیل پر فوجی حملوں کی لہر کے درمیان بھی یہ بات چیت جاری رہی ہے۔ ذرائع نے مزید کہا کہ جنگ بندی کا معاہدہ طے پانے کے بعد یہ بات چیت اس ہفتے جاری رہی۔

یہ بھی پڑھیں: چیف جسٹس کی تعیناتی کیلئے پارلیمانی کمیٹی کی تشکیل کا عمل شروع ہو گیا

ٹرمپ انتظامیہ کی تجاویز

ٹرمپ انتظامیہ کے عہدیداروں نے تصدیق کی کہ متعدد تجاویز پیش کی گئیں۔ یہ ابتدائی اور ابھرتی ہوئی تجاویز ہیں جن میں ایک طے شدہ چیز ہے کہ ایرانی یورینیم کی افزودگی کو مکمل روکنا ہے۔ ذرائع نے بتایا کہ تجاویز میں ایران کے لیے کئی مراعات شامل ہیں۔

یہ بھی پڑھیں: پاک بھارت کشیدگی: ممکنہ خطرات کے پیش نظر وادی نیلم میں کل رات بلیک آوٹ رہا

وائٹ ہاؤس کی خفیہ ملاقات

اس ملاقات سے واقف دو ذرائع نے CNN کو بتایا کہ ایران کے خلاف امریکی فوجی حملوں سے ایک دن قبل گزشتہ جمعہ کو وائٹ ہاؤس میں امریکی خصوصی ایلچی سٹیو وٹکوف اور مشرق وسطیٰ کے شراکت داروں کے درمیان خفیہ اور گھنٹوں تک جاری رہنے والی ملاقات میں کچھ تفصیلات پر تبادلہ خیال کیا گیا۔

یہ بھی پڑھیں: پہلگام ڈرامہ : بھارتی میڈیا نے 27 افراد کی لاشیں کیوں نہیں دکھائیں۔۔۔؟ دفاعی ماہرین نے سنجیدہ سوال اٹھا دیئے۔۔۔۔ حقائق پر مبنی ویڈیو بھی دیکھیں

مذاکرات کے مستقبل

ٹرمپ انتظامیہ کے حکام اور اس تجویز سے واقف ذرائع کے مطابق زیر بحث آئٹمز میں ایک اندازے کے مطابق 20-30 بلین ڈالر کی سرمایہ کاری کی بات کی گئی ہے۔ ٹرمپ انتظامیہ کے ایک اہلکار نے سی این این کو بتایا کہ امریکہ ایران کے ساتھ ان مذاکرات کی قیادت کرنے کے لیے تیار ہے۔ کسی کو جوہری پروگرام کی تعمیر کے لیے فنڈز فراہم کرنا ہوں گے، لیکن ہم اس پر پابند نہیں ہوں گے۔

پابندیاں اور ممکنہ مراعات

سی این این کے مطابق دیگر ترغیبات میں ایران پر سے کچھ پابندیاں اٹھانے اور تہران کو اس وقت غیر ملکی بینک کھاتوں میں رکھے ہوئے 6 بلین ڈالر تک رسائی کی اجازت دینے کا امکان شامل ہے۔ اس کے آزادانہ طور پر استعمال کرنے سے منع کیا گیا ہے۔ اس معاملے سے واقف دو ذرائع کے مطابق ایک اور خیال گزشتہ ہفتے سامنے آیا اور اس وقت زیر غور ہے کہ امریکی اتحادیوں کو فردو جوہری تنصیب کی تبدیلی کے لیے ادائیگی کرنا ہے۔