لاہور: پوتوں کی لڑائی چھڑوانے کے دوران فائرنگ سے 85 سالہ دادا جاں بحق

واقعہ کی تفصیل

لاہور (ڈیلی پاکستان آن لائن) لاہور میں اکبری گیٹ کے علاقے محلہ نعمت گراں میں افسوسناک واقعہ پیش آیا جہاں دو پوتوں کے درمیان جھگڑا چھڑوانے کی کوشش کے دوران 85 سالہ دادا محمد ریاض فائرنگ کی زد میں آکر جان کی بازی ہار گیا۔

یہ بھی پڑھیں: عثمان ہادی کا قتل انقلاب کا سبب بنے گا اور بھارت ٹکڑے ہوکر بکھرے گا” برطانیہ میں سکھ کمیونٹی کا بھارت کے خلاف مظاہرہ

جھگڑے کی وجوہات

نجی ٹی وی دنیا نیوزکے مطابق گلمان خان اور نعمان نامی دو بھائیوں کے درمیان کسی گھریلو تنازع پر جھگڑا ہوا، دادا محمد ریاض دونوں کے درمیان صلح کروانے کی کوشش کر رہے تھے کہ اسی دوران فائرنگ کا واقعہ پیش آیا۔

یہ بھی پڑھیں: پولیس اور ریسکیو ٹیم نے دریائے چناب کے سیلابی ریلے میں پھنسے 200 مویشیوں کو ریسکیو کر لیا

زخمی اور صحت کی صورتحال

فائرنگ سے محمد ریاض سمیت تین افراد زخمی ہوئے جنہیں فوری طور پر ہسپتال منتقل کیا گیا تاہم محمد ریاض زخموں کی تاب نہ لاتے ہوئے راستے میں ہی دم توڑ گئے۔

یہ بھی پڑھیں: دبئی میں وسٹا میری ٹائم ٹریول اینڈ ٹورازم کی طرف سے رمضان کا پورا مہینہ افطاری کا اہتمام

پولیس کی کارروائی

واقعے کے بعد دونوں ملزمان موقع سے فرار ہو گئے، پولیس نے فوری کارروائی کرتے ہوئے لاش کو مردہ خانے منتقل کر کے واقعے کی تحقیقات کا آغاز کر دیا۔

یہ بھی پڑھیں: 2025 معاشی اعتبار سے ایک بدترین سال ثابت ہوا، جس نے عام آدمی کی زندگی کو بری طرح متاثر کیا، حافظ فرحت عباس

گرفتاری اور تحقیقات

ایس پی سٹی ڈویژن نے ایس ایچ او اکبری گیٹ ہاشم رضا کو خصوصی ٹاسک سونپا جس پر پولیس نے جدید ٹیکنالوجی اور سی سی ٹی وی کی مدد سے ایک ملزم کو گرفتار کر لیا، گرفتار ملزم کے قبضے سے واردات میں استعمال ہونے والا آلہ قتل بھی برآمد کر لیا گیا۔

مستقبل کی کارروائیاں

پولیس حکام کا کہنا ہے کہ واقعے کی مکمل تحقیقات جاری ہیں اور دوسرے مفرور ملزم کی گرفتاری کے لیے چھاپے مارے جا رہے ہیں۔