راولپنڈی:چوہدری عدنان قتل کیس، سابق سینیٹر چوہدری تنویر کی ضمانت منظور

چوہدری تنویر کی ضمانت منظور

راولپنڈی (ڈیلی پاکستان آن لائن) سابق پارلیمانی سیکرٹری چوہدری عدنان قتل کیس میں نامزد سابق سینیٹر چوہدری تنویر کی ضمانت بعد از گرفتاری منظور کر لی گئی۔

یہ بھی پڑھیں: لیسکو اور میٹر بنانیوالی کمپنیوں کا اجلاس، جدید اے ایم آئی سنگل فیز میٹرز کے حوالے سے اہم پیش رفت

عدالت کا فیصلہ

روزنامہ امت کے مطابق ایڈیشنل سیشن جج چوہدری ماجد حسین نے وکلاء کے دلائل مکمل ہونے کے بعد محفوظ کیا گیا فیصلہ سنایا۔ عدالت نے چوہدری تنویر کو 10،10 لاکھ روپے کے دو مچلکے جمع کروانے کا حکم دیا ہے۔

یہ بھی پڑھیں: پنجاب میں بزنس آن لائن ہے، وزیراعلیٰ مریم نواز سے چین کے سرمایہ کاروں کے وفد کی ملاقات

کیس کی تفصیلات

اس سے قبل کیس میں وکلاء کی جانب سے تفصیلی دلائل دیے گئے تھے، جس کے بعد عدالت نے گزشتہ روز فیصلہ محفوظ کیا تھا۔ یاد رہے کہ چوہدری تنویر اس کیس میں گرفتار تھے اور انہوں نے ضمانت کے لیے عدالت سے رجوع کیا تھا۔ عدالت کی جانب سے ضمانت منظور ہونے کے بعد ان کی رہائی کی راہ ہموار ہو گئی ہے۔

یہ بھی پڑھیں: قربانی کا گوشت فریج میں نہ رکھنے پر ملزم کا دوکاندار پر تشدد

چوہدری عدنان کا قتل

خیال رہے کہ چوہدری عدنان کو 12 فروری کی شام پولیس لائنز گیٹ کے قریب فائرنگ کر کے قتل کیا گیا تھا، ملزمان کے خلاف تھانہ سول لائنز راولپنڈی میں قتل کا مقدمہ درج ہے۔

سیاسی پس منظر

چوہدری عدنان 2018 میں راولپنڈی سے پنجاب اسمبلی کے حلقہ پی پی 11 سے پی ٹی آئی کے ٹکٹ پر رکن صوبائی اسمبلی منتخب ہوئے تھے۔ تاہم 9 مئی کے واقعات کے بعد پارٹی سے علیحدگی کے باعث وہ حالیہ الیکشن میں آزاد حیثیت میں میدان میں اترے تھے۔