فیلڈ مارشل سید عاصم منیر کا بھارت کو واضح پیغام

پاکستان کی قومی یکجہتی

وزیر اعظم میاں شہبازشریف کی قیادت میں حکومت پاکستان، مسلح افواج اور عوام نے گزشتہ ماہ مثالی قومی یکجہتی کا شاندار اور تاریخی مظاہرہ کیا۔ وزیر اعظم کی قیادت میں ہماری مسلح افواج نے بھارت کے خلاف شاندار فتح حاصل کی۔ حکومت کی طرف سے فیلڈ مارشل کا اعزاز پانے والے حافظ سید عاصم منیر عوام کی آنکھوں کا تارا بن گئے ہیں۔

یہ بھی پڑھیں: بھارت کی طاقت کا غرور خاک میں مل گیا ہے: وزیر دفاع خواجہ آصف

عاصم منیر کی نئی تصویر

فیلڈ مارشل عاصم منیر کی نئی سرکاری تصویر شائع کی گئی ہے، جس میں وہ باوقار انداز میں پانچ ستاروں کے رینک اور روایتی فوجی لاٹھی کے ساتھ جلوہ گر ہیں۔ یہ تصویر نہ صرف عسکری وقار کی علامت ہے بلکہ پاکستان کی تاریخ میں ایک نایاب لمحے کو بھی محفوظ کرتی ہے۔ جنرل ایوب خان کی ازخود نامزدگی کے بعد یہ دوسرا موقع ہے کہ کسی سپہ سالار کو فیلڈ مارشل کے اعزازی رتبے سے سرفراز کیا گیا۔

یہ بھی پڑھیں: شہباز شریف برطانیہ کے مختصر نجی دورے پر لندن پہنچ گئے

ہندوستان کا دہشت گردی میں کردار

پاکستان کے فیلڈ مارشل سید عاصم منیر نے واضح کیا ہے کہ خطے میں دہشت گردی کا سب سے بڑا سرپرست ہندوستان ہے اور ہم ہندوستان کو واضح پیغام دیتے ہیں کہ پاکستان نے نہ پہلے اس کی اجارہ داری قبول کی اور نہ کبھی کرے گا۔ انہوں نے یہ بھی کہا کہ ملک کی ترقی اور کامیابی کے لیے عوام، حکومت اور افواج کے درمیان مضبوط تعلق ناگزیر ہے۔

یہ بھی پڑھیں: پی ٹی آئی فساد کی چیمپئن، سرکاری فنڈز کو تحریک میں جھونکنے کی تیاریاں مکمل ہو چکی ہیں: عظمٰی بخاری

افغانستان کے ساتھ تعلقات

فیلڈ مارشل منیر نے یہ بھی واضح کیا کہ افغانستان ہمارا برادر پڑوسی اسلامی ملک ہے اور ہم اس سے اچھے تعلقات چاہتے ہیں،لیکن ہم اُن سے ایک ہی تقاضا کرتے ہیں کے وہ ہندوستان کی دہشت گردانہ پراکسیوں فتنہ الہندوستان اور فتنہ الخوارج کو جگہ نہ دیں۔

یہ بھی پڑھیں: جنوبی افریقا کرکٹ ٹیم کا دورہ پاکستان، کپتان ٹیمبا باووما سیریز سے باہر

افواج پاکستان کی تیاری

افواج پاکستان دور حاضر کے جنگی تقاضوں کے مطابق اپنے آپ کو ہمہ وقت تیار رکھتی ہیں۔ ہر نظام میں مسائل اور کمزوریاں ہوتی ہیں، لیکن آپ کا کام ہے کہ کمزوریوں اور منفی قوتوں کو نظام پر حاوی نہ ہونے دیں۔ جو اقوام اپنی تاریخ کو بھول جاتی ہیں ان کا مستقبل بھی تاریک ہو جاتا ہے۔

یہ بھی پڑھیں: حیرت انگیز چیز بچے کی ننھی سی ممی تھی، ننھا سا فرعون آنکھیں موندھے پڑا تھا، اب مجھ میں کسی اور مقبرے کو دیکھنے کی ہمت تھی نہ خواہش، خاصی شام ہوچکی تھی.

سول سروسز اکیڈمی میں خطاب

فیلڈ مارشل عاصم منیر نے سول سروسز اکیڈمی کے 52 ویں کامن ٹریننگ پروگرام کے زیرِ تربیت افسران سے ملاقات میں افواج کے کردار پر گفتگو کی۔ انہوں نے کہا کہ قومی سلامتی، داخلی و خارجی چیلنجز، علاقائی امن و استحکام کا تحفظ فوج کی ذمہ داری ہے۔

یہ بھی پڑھیں: ڈاکٹر افضل جاوید کو ’’آرڈر آف دی برٹش ایمپائر‘‘ کا اعلیٰ اعزاز مل گیا۔

ڈی جی آئی ایس پی آر کا بیان

ڈی جی آئی ایس پی آر لیفٹیننٹ جنرل احمد شریف چوہدری نے برملا کہا ہے کہ ہم ہمیشہ واضح رہے ہیں یہ سیاستدانوں کا کام ہے کہ وہ آپس میں بات کریں، لہٰذا فوج سیاسی جماعتوں سے بات کرنے میں دلچسپی نہیں رکھتی۔

یہ بھی پڑھیں: وزیراعلیٰ مریم نواز نے موبائل پولیس اسٹیشن اینڈ لائسنسنگ یونٹ پراجیکٹ کا باقاعدہ افتتاح کر دیا

بھارتی حکومت کا رویہ

بھارتی حکومت کی طرف سے مقبوضہ جموں و کشمیر کے علاقے پہلگام میں سیاحوں پر ہونے والے حملے کا الزام پاکستان پر عائد کرنا بھارتی حکومت کی ہٹ دھرمی تھی۔ دہشت گردی، انتہا پسندی اور نفرت بھارت کا اندرونی مسئلہ ہے اور نئی دہلی حکومت ملک میں مسلمانوں اور سکھوں سمیت دیگر اقلیتوں پر دباؤ ڈال رہی ہے۔

یہ بھی پڑھیں: جے شاہ کے آئی سی سی جانے کے بعد ایشین کرکٹ کونسل کی صدارت کس کو ملی؟ نام سامنے آگیا۔

پاکستان کا عالمی سطح پر کردار

بلا شبہ کشمیر ایک بین الاقوامی تنازعہ ہے جس کا حل اقوام متحدہ کی قراردادوں کے تحت وہاں کے عوام کی مرضی کے مطابق ہونا چاہیے۔ بھارت نے 2019 میں بھی انسانی حقوق پر شب خون مارتے ہوئے جموں و کشمیر کی خصوصی حیثیت کو ختم کر دیا تھا۔

نتیجہ

بھارت اپنے حملے میں معصوم بچوں اور خواتین کے شہادت کا منصفانہ انتقام لینے سے ہمیں روکنے کی کوشش کر رہا ہے، لیکن وہ یہ بھول گیا کہ ہم ایسی قوم اور ریاست نہیں ہیں جسے ڈرایا یا روکا جا سکے۔ پاکستان امن کا خواہاں ہے لیکن اگر ہمیں اکسایا گیا، یا دوبارہ حملہ کیا گیا، تو پاکستان کا جواب تیز اور بےرحمانہ ہوگا، اور اس میں کوئی شک نہیں ہونا چاہیے۔

نوٹ: یہ مصنف کا ذاتی نقطہ نظر ہے جس سے ادارے کا متفق ہونا ضروری نہیں۔