دھاندلی زدہ سابق حکومت چلنے دی نہ اس حکومت کو چلنے دیں گے، مولانا فضل الرحمان

مولانا فضل الرحمان کا بیان

بٹگرام (ڈیلی پاکستان آن لائن) سربراہ جے یو آئی ف مولانا فضل الرحمان نے کہا ہے کہ دھاندلی زدہ سابق حکومت چلنے دی نہ اس حکومت کو چلنے دیں گے۔

یہ بھی پڑھیں: پشاور میں سفاک بیٹے نے ماں کو قتل کر دیا

فاٹا کا انضمام

خیبر پختونخوا کے علاقے بٹگرام میں مولانا فضل الرحمان کا شعائر اسلام کانفرنس سے خطاب کرتے ہوئے کہنا تھا کہ فاٹا کا خیبر پختونخوا میں انضمام کا فیصلہ غلط اور یکطرفہ ہے، اس فیصلے سے قبائل ناراض ہیں، آج آپ پچھتا رہے ہیں کہ فیصلہ غلط ہوا۔

یہ بھی پڑھیں: ٹماٹر کی قیمتوں میں ہوشربا اضافہ، فی کلو 500 روپے تک بکنے لگے

الیکشن کے بارے میں تحفظات

انہوں نے کہا کہ 2018 اور 2024 کے الیکشن دھاندلی زدہ ہیں، انہیں تسلیم نہیں کرتے، دھاندلی کے الیکشن اور دھاندلی کی حکومتوں پر گلہ نہ کیا جائے، جے یو آئی نے نہ اُس حکومت کو چلنے دیا نہ اِس حکومت کو چلنے دیں گے۔

یہ بھی پڑھیں: آپریشن ’’بنیان المرصوص‘‘ کے دوران عطا اللہ تارڑ کے مؤثر اورمدلل انداز کی گونج بھارت کے ایوانوں تک پہنچ گئی

سیاسی بصیرت اور جمہوریت

سربراہ جے یو آئی ف کا کہنا تھا کہ مان لو تمہارے اندر سیاسی بصیرت نہیں ہے، ملک کو امریکہ کی رضا مندی کے ساتھ چلاتے ہو تو پھر جمہوریت کی بات کیوں کرتے ہوئے۔

جے یو آئی (ف) کا عزم

مولانا فضل الرحمان نے مزید کہا کہ جے یو آئی (ف) کے کارکن میدان عمل میں ہوں گے، کامیابی مقدر بنے گی، کوئی بھی طاقت عوام اور جے یو آئی کے درمیان فاصلے پیدا نہیں کر سکتی。