حافظ نعیم الرحمان نے مخصوص نشستوں کو پی ٹی آئی کا حق قرار دے دیا

حافظ نعیم الرحمان کا بیان

لاہور (ڈیلی پاکستان آن لائن) امیر جماعت اسلامی پاکستان حافظ نعیم الرحمان نے مخصوص نشستوں کو پی ٹی آئی کا حق قرار دیتے ہوئے کہا ہے کہ مخصوص نشستوں سے متعلق سپریم کورٹ کے آئینی بینچ کا فیصلہ افسوس ناک ہے۔

یہ بھی پڑھیں: جدہ میں قونصلیٹ کی نئی شاندار عمارت تیار ہوچکی ہے، قونصل جنرل مصطفیٰ ربانی

کراچی کے بلدیاتی نظام پر تنقید

انہوں نے کراچی کے بلدیاتی نظام پر کڑی تنقید کرتے ہوئے کہا کہ کراچی میں جعلی طریقے سے میئر مسلط کیا گیا۔ نجی ٹی وی آج نیوز کے مطابق لاہور میں تقریب سے خطاب کرتے ہوئے حافظ نعیم الرحمان نے مزید کہا کہ عام انتخابات میں بھی ہماری نشستیں چھینیں گئیں۔

یہ بھی پڑھیں: غیر اعلانیہ لوڈشیڈنگ پر سندھ ہائیکورٹ برہم، کے الیکٹرک سے رپورٹ طلب

معاشرتی تبدیلی کی ضرورت

مخصوص نشستیں پی ٹی آئی کا بنیادی حق تھا، ملک میں جاگیرداروں اور چوہدریوں کی اجارہ داری ہے، جنہوں نے پورے معاشرے کو جکڑا ہوا ہے۔ ہم معاشرے کو بدل کر انقلاب لانا چاہتے ہیں۔

یہ بھی پڑھیں: نشو بیگم نے شادی کے لیے انوکھی شرط رکھ دی

عدالت کے فیصلے پر افسوس

حافظ نعیم الرحمان نے کہا کہ سپریم کورٹ کے مخصوص نشستوں سے متعلق فیصلے پر افسوس ہوا، یہ عدالتی تاریخ کا ایک اور بدنما داغ ہے۔ انہوں نے کہا کہ مخصوص نشستیں تحریک انصاف کا حق تھا، اور سپریم کورٹ سے جعلی فیصلے کروا کر سیٹیں حاصل کرنے کو کامیاب سیاست کہنا غلط ہے۔

یہ بھی پڑھیں: سابق بھارتی کپتان سارو گنگولی کی اہلیہ ہراسانی کا شکار، مقدمہ درج

انتخابات میں حق تلفی کا ذکر

امیر جماعت اسلامی نے مزید کہا کہ الیکشن میں جماعت اسلامی کے حق پر ڈاکہ ڈالا گیا، کراچی کی مئیرشپ پر بھی ڈاکہ ڈالا گیا، اور قومی الیکشن میں بھی جماعت اسلامی کا حق مارا گیا۔

یہ بھی پڑھیں: سال 2025: افغان طالبان رژیم نے کیا کھویا، کیا پایا۔۔۔؟ افغان مبصرین کھل کر بول پڑے

سیاسی نظام کی حقیقت

انہوں نے کہا کہ اگر اسٹبلشمنٹ آج اپوزیشن سے بات کر لے تو یہ اس نظام کو قبول کرلیں گے۔ جب باجوہ صاحب کی ایکسٹینشن ہوئی تھی تو سب جماعتیں ایک ہو جاتی ہیں۔

یہ بھی پڑھیں: لوگوں کی بدترین تنقید سے تنگ آ کر ڈاکٹر نبہیہ نے شادی کے کچھ روز بعد ہی حارث کھوکھر سے طلاق لینے پر غور شروع کردیا

کشمیر کے مسئلے پر بات

حافظ نعیم الرحمان نے کہا کہ پاک بھارت جنگ میں اللہ نے پاکستان کو سرخرو کیا، مگر قوم کشمیر کے مسئلہ کا سودا نہیں کرے گی۔

یہ بھی پڑھیں: علیزے شاہ نے سوشل میڈیا کو پھر خیرباد کہہ دیا، اس بار وجہ کیا بنی؟

سیاسی مزاحمت کی قیادت

انہوں نے کہا کہ اگر قوم کا سودا کیا گیا تو سیاسی مزاحمت کی جماعت اسلامی قیادت کرے گی۔

سپریم کورٹ کا فیصلہ

واضح رہے کہ سپریم کورٹ کے آئینی بینچ نے جمعے کو 5 کے مقابلے میں 7 کی اکثریت سے مخصوص نشستوں سے متعلق نظرثانی درخواستیں منظور کرلی تھیں، اور عدالت نے مختصر فیصلے میں 12 جولائی کا فیصلہ کالعدم قرار دے دیا تھا۔