غزہ پر اسرائیلی فوج کے وحشیانہ حملے، مزید 68 فلسطینی شہید ہوگئے

اسرائیل کی بربریت جاری

غزہ میں اسرائیلی فوج کی بربریت جاری ہے، تازہ حملوں میں مزید 68 فلسطینی شہید ہوگئے۔

یہ بھی پڑھیں: خواتین میں زیادہ دلچسپی رکھنے والی مائیکل جیکسن کی بیٹی نے آدمی سے منگنی کرلی

بمباری کا نشانہ

نجی ٹی وی جیو نیوز نے عرب میڈیا کے حوالے سے بتایا کہ اسرائیل کی جانب سے شمالی غزہ کے علاقے جبالیہ میں ایک پناہ گزین سکول پر بمباری کی گئی۔

اس کے علاوہ غزہ میں امداد کے منتظر فلسطینیوں پر بھی حملہ ہوا۔ اسرائیلی حملوں میں مجموعی طور پر 68 فلسطینی شہید ہوئے۔

یہ بھی پڑھیں: ضلع سوات کو دو حصوں میں تقسیم کرنے کا اعلامیہ جاری، صوبہ میں اضلاع کی تعداد 40 ہوگئی

فوجی کارروائیوں کے لیے تیاری

دوسری جانب، اسرائیلی فوج نے ایران سے جنگ بندی کے بعد غزہ میں بڑے آپریشن کی تیاری کرتے ہوئے شمالی غزہ کے گنجان آباد علاقوں کو فوری خالی کرنے کا حکم دے دیا۔

یہ بھی پڑھیں: سیلابی صورتحال مزید سنگین، بھارتی ہائی کمیشن نے پاکستان کو سیلاب کے خطرے سے آگاہ کر دیا

علاقوں کے خالی کرنے کا حکم

اسرائیلی فوج کے ترجمان کی جانب سے جاری بیان میں کہا گیا کہ مشرقی زیتون، تفاح، دراج، صبرہ، جبالیہ البلد، جبالیہ کیمپ اور تل الزعتر سمیت مجموعی طور پر 17 علاقوں کے رہائشیوں کو فوری طور پر جنوبی علاقے المواسی کیمپ کی جانب منتقل ہونے کا حکم دیا گیا ہے۔

یہ بھی پڑھیں: دریائے چناب میں ہیڈ پنجند کے مقام پر انتہائی اونچے درجے کا سیلاب

عوام کو خبردار کیا گیا

اسرائیلی فوج کی جانب سے عوام کو خبردار کیا گیا ہے کہ فوجی کارروائیاں مزید شدت اختیار کریں گی، اگر ان علاقوں کو فوری خالی نہ کیا گیا تو یہاں کے مکینوں کو سنگین نتائج کا سامنا کرنا پڑے گا۔

یہ بھی پڑھیں: وزیراعلیٰ مراد علی شاہ نے دریائے سندھ پر نیا سکھر روہڑی پل بنانے کا اعلان کر دیا

آپریشن کے توسیع کا عندیہ

اسرائیلی فوج نے شمالی غزہ میں آپریشن مکمل کرنے کے بعد اسے وسطی علاقوں تک پھیلانے کا بھی عندیہ دیا ہے۔

حملوں کا سلسلہ

واضح رہے کہ 7 اکتوبر 2023 سے اسرائیلی فوج نے غزہ پر بے رحمانہ حملے جاری رکھے ہیں جن میں اب تک خواتین اور بچوں سمیت 56 ہزار سے زائد فلسطینی شہید ہوچکے ہیں۔