خبردار ۔۔پہلا سائیبر پیٹرولنگ اینڈ کوئیک رسپانس سیل قائم،کیا مانیٹر اور رپورٹ کیا جا رہا ہے ؟ جانیے

وزیراعلی پنجاب کی ہدایت پر نئے اقدامات

لاہور (ڈیلی پاکستان آن لائن) وزیراعلی پنجاب کی ہدایت پر محکمہ داخلہ نے فرقہ واریت کی روک تھام کے لیے ایک مثالی اقدام کیا ہے۔ محرم الحرام کے پیشِ نظر، محکمہ داخلہ نے اپنی طرز کا پہلا سائیبر پیٹرولنگ اور کوئیک رسپانس سیل قائم کر دیا ہے۔ یہ خصوصی سیل محرم الحرام کے دوران ڈیجیٹل مانیٹرنگ اور رپورٹنگ کا فریضہ سر انجام دے رہا ہے۔

یہ بھی پڑھیں: مودی کے دن گنے جا چکے، فیصلہ بھارتی عوام کریں گے : خواجہ آصف

ڈیجیٹل مانیٹرنگ کا عمل

سائبر پیٹرولنگ سیل ڈیجیٹل میڈیا پر فرقہ وارانہ اور نفرت آمیز مواد کو مانیٹر اور رپورٹ کر رہا ہے۔ ترجمان محکمہ داخلہ کے مطابق، سوشل میڈیا پر فیک نیوز، اشتعال انگیزی اور مذہبی منافرت پر مبنی مواد کی نگرانی کی جا رہی ہے۔ یہ سیل 24/7 فعال ہے، جس میں محکمہ داخلہ پنجاب، ڈائریکٹوریٹ جنرل آف پبلک ریلیشنز اور پنجاب انفارمیشن ٹیکنالوجی بورڈ کے افسران شامل ہیں۔

یہ بھی پڑھیں: گاؤں کے خوشحال گھرانے غُرباء کی مدد کرنا فرض سمجھتے،گھوم پھر کر مانگنے کا رواج کم تھا، لڑکے گُلّی ڈنڈا کھیلتے، لڑکیوں کی تعلیم کو مکمل طور پر نظر انداز کیا جاتا

قابل اعتراض مواد کی نگرانی

سائبر پیٹرولنگ سیل تمام قابل اعتراض مواد کو مانیٹر کر کے سپیشل برانچ کو فراہم کرتا ہے۔ سپیشل برانچ کو یہ ٹاسک سونپا گیا ہے کہ وہ قابل اعتراض مواد کو پی ٹی اے سے بلاک کروانے اور قانون شکن عناصر کے خلاف کارروائی کرے۔

یہ بھی پڑھیں: نواز شریف سے کس نے بات کرنی ہے ان کو تو اپنی فیملی بھی نہیں پوچھ رہی، علیمہ خان

کنٹرول روم اور ریئل ٹائم مانیٹرنگ

ترجمان نے بتایا کہ محکمہ داخلہ رپورٹ کیے گئے اکاؤنٹس کے خلاف ایکشن لینے کے لیے وفاقی وزارت داخلہ اور پی ٹی اے سے مستقل رابطے میں ہے۔ یہ سائیبر پیٹرولنگ سیل محکمہ داخلہ کے مرکزی کنٹرول روم میں قائم کیا گیا ہے، جو محرم الحرام کے دوران پنجاب کے تمام اضلاع سے 24/7 رپورٹس لے رہا ہے۔

یہ بھی پڑھیں: آئی سی سی کی پلیئرز رینکنگ جاری، پاکستان کے اسپنر نعمان علی 2 درجہ بہتری کے بعد تیسری پوزیشن پر آگئے

سیف سٹی اور سیکیورٹی اقدامات

محکمہ داخلہ نے خصوصی طور پر تیار کردہ ’’محرم ای پورٹل‘‘ کے ذریعے تمام اضلاع سے منسلک ہے۔ پنجاب بھر میں نصب سیف سٹی اور ضلعی انتظامیہ کے کیمرے بھی اس کنٹرول روم کے ساتھ منسلک ہیں۔ حکومت پنجاب فزیکل سیکیورٹی کے ساتھ ساتھ ڈیجیٹل سپیس میں بھی امن و امان کے قیام کے لیے سرگرم ہے۔

شہریوں کی ذمہ داری

ترجمان نے شہریوں سے اپیل کی کہ وہ ذمہ داری کا ثبوت دیں اور سوشل میڈیا پر فرقہ وارانہ یا قابل اعتراض مواد کو ہرگز نہ شیئر کریں۔ سوشل میڈیا پر نفرت پھیلانے والوں کے خلاف قانونی کارروائی بھی عمل میں لائی جا رہی ہے۔