پیٹرولیم مصنوعات پر ٹیکسوں میں بھی اضافہ کر دیا گیا

نئے فنانس بل کا اطلاق

اسلام آباد (ڈیلی پاکستان آن لائن) نئے فنانس بل کے نافذ ہوتے ہی پیٹرولیم مصنوعات پر ٹیکسوں میں اضافہ ہوگیا ہے۔ اس کے تحت پیٹرولیم لیوی کی شرح بڑھا دی گئی ہے۔

یہ بھی پڑھیں: میں نہ یوٹیوبر ہوں نہ ہی سوشل میڈیا ایکٹوسٹ، سلمان اکرم راجہ کا جسٹس مسرت ہلالی سے مکالمہ

پیٹرولیم مصنوعات پر نئی ٹیکس شرح

نجی ٹی وی ایکسپریس نیوز کے مطابق ہائی سپیڈ ڈیزل پر پیٹرولیم لیوی میں 8 روپے 64 پیسے فی لیٹر کا اضافہ کیا گیا ہے، جس کے بعد ہائی سپیڈ ڈیزل پر لیوی 74 روپے 51 پیسے فی لیٹر سے بڑھا کر 83 روپے 15 پیسے فی لیٹر کر دی گئی ہے۔

یہ بھی پڑھیں: وزیر اطلاعات پنجاب عظمٰی بخاری کی کرائم رپورٹرزایسوسی ایشن اور پی یو جے کے نو منتخب عہدیداران کو مبارک باد

پیٹرول اور ہائی آکٹین پر اثرات

پیٹرول پر بھی لیوی میں 8 روپے 64 پیسے فی لیٹر کا اضافہ کیا گیا ہے، جس کے تحت پیٹرول پر لیوی 75 روپے 52 پیسے بڑھا کر 84 روپے 16 پیسے فی لیٹر کر دی گئی ہے۔ ہائی آکٹین پر بھی پیٹرولیم لیوی میں 2 روپے 15 پیسے فی لیٹر کا اضافہ کیا گیا ہے، جس کے تحت ہائی آکٹین پر لیوی 75 روپے 52 پیسے فی لیٹر سے بڑھا کر 77 روپے 67 پیسے فی لیٹر کر دی گئی ہے۔