عمران عباس کی محرم الحرام کے پہلے عشرے میں فلمیں ریلیز نہ کرنے کی اپیل

عمران عباس کی اپیل

اسلام آباد (ڈیلی پاکستان آن لائن) ماڈل و اداکار عمران عباس نے پروڈیوسرز اور فلم ڈسٹری بیوٹرز سے اپیل کی ہے کہ وہ محرم الحرام کے تقدس کا احترام کرتے ہوئے پہلے عشرے میں فلمیں ریلیز نہ کریں تو بہتر ہوگا۔

یہ بھی پڑھیں: آخری مرحلے کے کینسر کے علاج میں دیسی غذا کی اہمیت: سدھو کے دعووں پر ڈاکٹروں کی عدم اتفاقی کی وجوہات کیا ہیں؟

محرم الحرام کا احترام

ڈان نیوز کے مطابق عمران عباس نے اپنی فیس بک پوسٹ میں فلم پروڈیوسرز سمیت دیگر متعلقہ اداروں اور افراد سے اپیل کی کہ وہ محرم الحرام سمیت ربیع الاول اور رمضان المبارک جیسے مقدس مہینوں کا احترام کرتے ہوئے فلموں کی ریلیز چند دن تک مؤخر کردیا کریں تو اچھا ہوگا۔

یہ بھی پڑھیں: عمران خان کو مسئلہ حل کرنے کیلئے کس سے بات کرنی چاہئے؟ رانا ثنا اللہ نے بتادیا

ماضی کا حوالہ

اداکار نے اپنی پوسٹ میں لکھا کہ انہوں نے ماضی میں کبھی نہیں دیکھا کہ محرم الحرام کی پہلی تاریخ کو پاکستان میں فلمیں ریلیز کی جائیں۔

یہ بھی پڑھیں: اداکارہ ریحام رفیق نے ڈانس ویڈیو پر تنقید کرنے والوں کو جواب دیا

دینی اہمیت

انہوں نے لکھا کہ یہ بات شیعہ یا سنی ہونے کی نہیں بلکہ کچھ ایام اور مہینے ہم مسلمانوں کے لیے خاص اہمیت رکھتے ہیں، اس لیے ایسے مہینوں اور ایام کا احترام ہم پر لازم ہے۔

یہ بھی پڑھیں: فون کو نیا ڈیزائن دو اور اپنی مرضی کی تبدیلیاں کرو، گوگل کی اینڈرائیڈ صارفین کیلئے اب تک کی سب سے بڑی مفت اپ گریڈ

ٹیلی وژن کی روایت

عمران عباس نے لکھا کہ انہیں آج بھی یاد ہے جب پاکستان ٹیلی وژن (پی ٹی وی) محرم الحرام کے ابتدائی دنوں میں بغیر موسیقی کے نشریات پیش کرتا تھا، اب تو نوبت یہاں تک آ گئی ہے کہ 9 محرم کے دن بھی رقص و موسیقی پر مبنی پروگرام نشر کیے جاتے ہیں۔

یہ بھی پڑھیں: چین نے آبادی بڑھانے کے لیے نیا منصوبہ متعارف کروادیا

چھٹیاں اور تفریح

اداکار نے لکھا کہ محرم الحرام کے آخری دنوں میں لوگ سیر و تفریح کے لیے چھٹیاں منانے ہِل سٹیشنز کا رُخ کرتے ہیں، جہاں وہ اپنے خاندان اور دوستوں کے ساتھ پکنک مناتے ہیں۔ وہ دن شاید زیادہ دُور نہیں جب ہم اسلامی نئے سال کے آغاز پر محرم الحرام کی پہلی تاریخ کو پارٹیوں سے کریں گے۔

یہ بھی پڑھیں: عالمی منڈی میں چاندی کی قیمت نئی ریکارڈ سطح پر پہنچ گئی

مشترکہ ذمہ داری

انہوں نے کسی کا نام لکھے بغیر سب سے گزارش کی کہ ہم سب رمضان، ربیع الاول اور محرم جیسے مقدس مہینوں کی حرمت کا احترام کریں، ان مہینوں کے بعض دن ہم سب مسلمانوں کے لیے محترم ہیں۔

یہ بھی پڑھیں: بلاسفیمی کیسز کے پیچھے چھپی عالمی سازش

فلم کی ریلیز پر غور

عمران عباس نے لکھا کہ جہاں تک فلم کی بات ہے تو اداکاروں کو موردِ الزام نہیں ٹھہرایا جا سکتا، کیونکہ اُنہوں نے تو اپنا کام کر دیا، جو ان سے متوقع تھا لیکن اگر فلم کی ریلیز کی تاریخ کو تھوڑا سا مؤخر کر دیا جاتا تو کوئی بڑا نقصان نہیں ہوتا۔

ذمہ داری کا احساس

انہوں نے دلیل دی کہ چند دن کی تاخیر فلم کی کامیابی پر اثر انداز نہ ہوتی، یہ ذمے داری متعلقہ اداروں پر عائد ہوتی ہے کہ وہ حساس ایّام کے تقدس کو ملحوظِ خاطر رکھیں اور فلم کی ریلیز کچھ دن تک موخر کریں۔