عوام کا اپنے بچے اور اثاثے بیرون ملک منتقل کرنا لمحۂ فکریہ ہے، ابراہیم مراد

ابراہیم مراد کی اہمیت و ضرورت

لاہور (ڈیلی پاکستان آن لائن) سابق وزیر ابراہیم مراد نے کہا ہے کہ ہنر و سرمایہ کے تحفظ کے لیے فوری اور مربوط قومی حکمت عملی ناگزیر ہے۔ 2018 کے بعد کی معاشی پالیسیاں ہنرمندوں اور سرمایہ کاروں کو روکنے میں ناکام رہی ہیں۔ عوام کا اپنے بچے اور اثاثے بیرون ملک منتقل کرنا لمحۂ فکریہ ہے۔

یہ بھی پڑھیں: کچھ اسٹیشن جنکشن بھی کہلاتے ہیں، گاڑیاں یہاں کچھ زیادہ وقت کیلیے رکتی ہیں،مسافر کچھ کھا پی لیتے ہیں اور محکمے والے ضروری کام نبٹا لیتے ہیں

سرمایہ کاروں کا بیرون ملک منتقل ہونا

تفصیلات کے مطابق سابق وزیر ابراہیم مراد نے اپنے ایک بیان میں کہا ہے کہ کراچی اور خیبرپختونخوا سے سرمایہ کار طبقہ بڑے پیمانے پر بیرونِ ملک منتقل ہو رہا ہے۔ ہنر اور سرمایہ کا انخلاء قومی معیشت کے لیے خطرے کی گھنٹی ہے۔ صرف 2024 میں 25,000 پاکستانیوں نے دوسرا پاسپورٹ حاصل کیا۔

یہ بھی پڑھیں: حکومت کا وی پی این سروسز بلاک کرنے کا تجربہ، کاروباری اداروں کا اظہار تشویش

نئی کمپنیوں کا رجسٹریشن اور عالمی اثرات

عوام کا اپنے بچے اور اثاثے بیرون ملک منتقل کرنا لمحۂ فکریہ ہے۔ دبئی میں رجسٹرڈ نئی کمپنیاں پاکستان کی کل کمپنیوں کا 22 فیصد ہیں، برٹش ورجن آئی لینڈ، ہانگ کانگ، سیشلز اور آئرلینڈ میں پاکستانی کمپنیز کی تعداد تیزی سے بڑھ رہی ہے۔

یہ بھی پڑھیں: عالمی مارکیٹ میں خام تیل کی قیمتوں میں اضافہ

پاکستانی شہریوں کے خروج کی صورتحال

سابق وزیر ابراہیم مراد کا مزید کہنا تھا کہ 2019 سے 2024 تک 32 لاکھ 75 ہزار پاکستانی ملک چھوڑ چکے ہیں، صرف 2024 میں 10 لاکھ پاکستانی روزگار کی تلاش میں بیرون ملک روانہ ہوئے۔ پاکستان کا متوسط طبقہ 1.9 کروڑ سے کم ہو کر صرف 50 لاکھ رہ گیا ہے۔

اقتصادی ترجیحات کی تبدیلی

ٹیلنٹ اور سرمایہ کا تحفظ پاکستان کی اولین اقتصادی ترجیح ہونی چاہیے۔ کاروباری، صنعتی اور ہنرمند طبقے کو قومی ترقی کی بنیاد تسلیم کیا جائے۔ PSDP کا بجٹ سے ہٹ کر تعلیم، ہنر اور جدت پر صرف کیا جائے۔ پاکستان کی اصل طاقت معدنیات یا انفراسٹرکچر نہیں، بلکہ اس کا نوجوان طبقہ ہے۔