دورہ بنگلہ دیش، شاداب سمیت 3قومی کرکٹر فٹنس مسائل کا شکار ہو گئے۔

قومی کرکٹ ٹیم کی فٹنس مسائل

لاہور(ڈیلی پاکستان آن لائن )دورہ بنگلا دیش سے قبل قومی کرکٹ ٹیم کو فٹنس مسائل نے گھیر لیا۔

یہ بھی پڑھیں: ایک بڑے سیاسی گھرانے کی کسی شخصیت کے کرپٹو میں 100 ملین ڈالر ڈوبنے کی افواہ پر مرزا شہزاد اکبر کا ردعمل بھی آگیا

شاداب خان کی حالت

نجی ٹی وی چینل جیو نیوز ذرائع کے مطابق قومی کرکٹ ٹیم کے آل راؤنڈر شاداب خان دائیں کندھے کی تکلیف میں مبتلا ہیں۔ ذرائع کا کہنا ہے کہ ڈاکٹرز نے شاداب کو کندھے کی تکلیف کے سبب سرجری تجویز کی ہے۔ اس کے بعد انگلینڈ میں شاداب کی کندھے کی سرجری کا امکان ہے۔ ذرائع کا بتانا ہے کہ سرجری کے بعد شاداب تقریباً 3 ماہ تک کرکٹ سے آؤٹ ہوسکتے ہیں۔

یہ بھی پڑھیں: ایٹمی تنصیبات پر حملے قابل مذمت، امن کو راستہ نہ دیا تو تباہی ہوگی: رافیل گروسی

دیگر کھلاڑیوں کی فٹنس کی حالت

ذرائع کے مطابق شاداب کے علاوہ فاسٹ بولرز نسیم شاہ اور محمد وسیم جونیئر بھی مکمل طور پر فٹ نہیں ہیں اور آئندہ سیریز کے لیے ان کی دستیابی مشکوک ہے۔

ذرائع کا کہنا ہے کہ بنگلادیش کے خلاف ٹی ٹوئنٹی سیریز کیلئے قومی ٹیم میں لاہور قلندرز کے بائیں ہاتھ کے تیز بولر سلمان مرزا اور لیفٹ آرم اسپنر سفیان مقیم کی شمولیت کا امکان ہے۔

کیمپ اور سیریز کی تاریخیں

واضح رہے کہ دورۂ بنگلا دیش کے لیے قومی کرکٹ ٹیم کا کیمپ 8 جولائی سے نیشنل سٹیڈیم کراچی میں لگے گا۔ قومی کرکٹ ٹیم 16 جولائی کو بنگلا دیش روانہ ہوگی۔ دونوں ٹیموں کے درمیان 3 ٹی ٹوئنٹی میچوں کی سیریز 20 جولائی سے شروع ہوگی۔