سندھ میں ملکی تاریخ کا سب سے بڑا اساتذہ بھرتی کا مرحلہ مکمل

سندھ میں اساتذہ بھرتی کا بڑا مرحلہ

کراچی(ڈیلی پاکستان آن لائن) محکمہ تعلیم سندھ نے کہا ہے کہ ملکی تاریخ کا سب سے بڑا اساتذہ بھرتی کا مرحلہ مکمل کرلیا گیا ہے۔

یہ بھی پڑھیں: دولہا کے بار بار واش روم جانے پر دلہن کو شک، جب پتا کیا تو ایسا کام کرتے ہوئے مل گیا کہ ہنگامہ برپا ہوگیا

ہزاروں اساتذہ کی بھرتی

نجی ٹی وی جیو نیوز کے حوالے سے صوبائی محکمہ تعلیم نے بتایا کہ 93 ہزار سے زائد پرائمری اور جونیئر ایلیمنٹری سکول ٹیچرز کی بھرتیاں کی گئیں جو ملکی تاریخ کا سب سے بڑا اساتذہ بھرتی کا مرحلہ تھا۔

یہ بھی پڑھیں: افغانستان کرکٹ بورڈ نے پاکستان میں ہونیوالی سہ فریقی سیریز سے دستبرداری کا اعلان کر دیا

کامیاب امیدواروں کی تعداد

محکمہ تعلیم نے بتایا کہ صوبے میں تھرڈ پارٹی کے تحت ٹیسٹ میں کامیاب 65 ہزار 147 پرائمری اساتذہ کی بھرتی کی گئی۔

وزیر تعلیم کی تصدیق

اس حوالے سے وزیر تعلیم سندھ سردار علی شاہ نے کہاکہ اس مرحلے میں 31 ہزار 75 خواتین اساتذہ بھی بھرتی ہوئیں، اساتذہ کی بھرتیوں کے بعد 5 ہزار کے قریب سکول کو فعال بنانے میں مدد ملی ہے۔