وزیراعظم کی نادہندگان سمیت تمام صنعتوں کی پیداوار ڈیجیٹائز کرکے ٹیکس نیٹ میں لانے کی ہدایت

وزیراعظم کی ہدایات: نادہندگان اور صنعتوں کی ڈیجیٹائزیشن

اسلام آباد(ڈیلی پاکستان آن لائن) وزیراعظم شہباز شریف نے نادہندگان سمیت تمام صنعتوں کی پیداوار ڈیجیٹائز کرکے انہیں ٹیکس نیٹ میں لانے کی ہدایات دی ہیں۔

یہ بھی پڑھیں: پاکستان سپر لیگ میں مزید 2 نئی ٹیموں کی فروخت کا عمل شروع

ہفتہ وار جائزہ اجلاس

نجی ٹی وی ایکسپریس نیوز کے مطابق فیڈرل بورڈ آف ریونیو (ایف بی آر) کی ڈیجیٹائزیشن اور دیگر اصلاحات کے حوالے سے ہفتہ وار جائزہ اجلاس وزیراعظم محمد شہباز شریف کی زیر صدارت ہوا۔ اس اجلاس میں وزیراعظم نے سال 2024-25 میں وفاقی ٹیکس محصولات میں گزشتہ 10 سالوں کی نسبت 42 فیصد اضافے پر وزارت خزانہ اور ایف بی آر کی کاوشوں کو سراہا۔

یہ بھی پڑھیں: انکم ٹیکس ریٹرن کی تاریخ میں توسیع کی خبریں بے بنیادہیں، ایف بی آر

مالی سال 2024-2025 کی کامیابیاں

اس موقع پر دی گئی بریفنگ میں بتایا گیا کہ مالی سال 2024-2025 میں اصلاحات اور ٹیکس قوانین کے نفاذ کے ذریعے گزشتہ سال کی نسبت کل 865 ارب روپے کی زائد محصولات وصول کی گئیں جو کہ 8 گنا کا تاریخ ساز اضافہ ہے۔ مالی سال 2024-25 میں ٹیکس کا مجموعی پیداوار سے تناسب (Federal Revenue to GDP Ratio) 11.3 فیصد رہا جو کہ گزشتہ سال کے مقابلے میں 1.5 فیصد زیادہ ہے۔

یہ بھی پڑھیں: پاکستان اور بھارت آج ایک اور کھیل کے میدان میں آمنے سامنے آئیں گے

معاشی اہداف کی نگرانی

وزیراعظم نے کہا کہ نئے مالی سال میں محصولات کی وصولی اور دیگر معاشی اہداف کو حاصل کرنے میں عزم و احتیاط کا مظاہرہ کیا جائے۔ انہوں نے اس بات پر زور دیا کہ اس سلسلے میں کسی قسم کی اداراجاتی سستی کو برداشت نہیں کیا جائے گا۔

یہ بھی پڑھیں: مصری سرزمین پر کسی بھی حملے کے تباہ کن نتائج ہوں گے، مصر کا واشنگٹن کو انتباہ

ایف بی آر کی ذمہ داریاں

شہباز شریف نے ایف بی آر کے افسران کو ہدایت کی کہ وہ عوام کے ساتھ عزت و تکریم کے ساتھ پیش آئیں۔ انہوں نے کہا کہ ملکی معیشت کی ترقی کے لیے تمام سرکاری ادارے ایف بی آر کے ساتھ مکمل تعاون کریں۔

یہ بھی پڑھیں: پنجاب حکومت نے کسی کو کھانا تقسیم کرنے سے نہیں روکا، صرف معیار کی جانچ لازمی قرار دی : عظمیٰ بخاری

ڈیجیٹل پروڈکشن سسٹم کی ہدایات

وزیراعظم نے ہدایت کی کہ ٹریک اینڈ ٹریس ڈیجیٹل پروڈکشن سسٹم کو اشیا کے پیداواری اور ترسیل کے مراحل میں شامل کیا جائے تاکہ تمام پیداوار کو ٹیکس نیٹ میں لایا جا سکے۔

یہ بھی پڑھیں: پاکستان ریلویز کے فریٹ سیکٹر کی ریکارڈ آمدن، 6 ماہ میں 17 ارب کی کمائی

ریٹیل کے شعبے میں توسیع

شہباز شریف نے ریٹیل کے شعبے میں ایف بی آر کے پوئنٹ آف سیل (Point of Sale - POS) سسٹم کا دائرہ کار مزید وسیع کرنے کی ہدایت کی۔

یہ بھی پڑھیں: 2021ء سے اب تک دراندازی کے کتنے واقعات ہوئے، پاکستان میں کتنی شہادتیں ہوئیں؟ وزیر دفاع خواجہ آصف نے تفصیلی جائزہ شیئر کر دیا

اجلاس کی تصویریں

اجلاس میں وزیراعظم کو ایف بی آر میں اصلاحات کے حوالے سے اقدامات کی پیشرفت پر بریفنگ دی گئی۔ وزیراعظم نے کہا کہ کاروباری برادری اور ٹیکس دہندگان کو مکمل سہولیات فراہم کرنے کے لیے ایف بی آر تمام دروازے کھلے رکھے۔

سیکٹر کی پیشرفت

وزیراعظم کو بریفنگ میں بتایا گیا کہ ٹریک اینڈ ٹریس ڈیجیٹل پروڈکشن سسٹم کو اب تک، چینی، تمباکو اور فرٹیلائزر میں مکمل طور پر نافذ کر دیا گیا ہے۔ اجلاس میں وفاقی وزیر و اطلاعات و نشریات عطا اللہ تارڑ، وفاقی وزیر قانون اعظم نذیر تارڑ اور چیئرمین ایف بی آر اور دیگر اعلیٰ سرکاری حکام نے شرکت کی۔