ملک بھر میں یوٹیلیٹی اسٹورز 10 جولائی سے بند کرنے کا فیصلہ

یوٹیلیٹی سٹورز کی بندش کی اطلاع

اسلام آباد(ڈیلی پاکستان آن لائن) وفاقی حکومت نے ملک بھر میں تمام یوٹیلیٹی سٹورز 10 جولائی سے مکمل طور پر بند کرنے کا فیصلہ کر لیا ہے۔

یہ بھی پڑھیں: مقبوضہ کشمیر میں بھارتی فوجی ٹرک کھائی میں گر کر تباہ، 3 اہلکار ہلاک

ملازمین کی صورتحال

نجی ٹی وی چینل ہم نیوز کے مطابق وزیراعظم کی ہدایت پر یوٹیلٹی سٹورز کے پانچ ہزار سے زائد ملازمین کو سرپلس پول میں شامل کر دیا گیا ہے۔ ملازمین کو رضاکارانہ سیپریشن سکیم آفر کی جائے گی۔

یہ بھی پڑھیں: محمد رضوان نے تیسرے ٹی ٹوئنٹی میچ میں نہ کھیلنے کی وجہ بتا دی

اجلاس کی تفصیلات

یوٹیلٹی سٹورز کارپوریشن کے ایم ڈی کی زیر صدارت اجلاس میں اس حوالے سے اہم فیصلے کیے گئے۔ اعلامیے کے مطابق آج سے ملک بھر کے تمام فعال یوٹیلیٹی سٹورز کا آپریشن بند کرنے کا عمل شروع کر دیا گیا ہے۔

سامان کی منتقلی

اجلاس میں فیصلہ کیا گیا ہے کہ سٹورز پر موجود تمام سامان کو مرحلہ وار ویئر ہاؤسز میں منتقل کیا جائے گا، جہاں متعلقہ حکام کی نگرانی میں سامان واپس یا نیلام کیا جائے گا۔