تیرہ کروڑ کی ڈکیتی، ٹک ٹاکرز سمیت 4 ملزمان کے ریمانڈ میں توسیع

کراچی میں کروڑ روپے کی ڈکیتی کا کیس

کراچی(ڈیلی پاکستان آن لائن) کروڑ روپے کی ڈکیتی کے کیس میں گرفتار ملزمان کے جسمانی ریمانڈ میں توسیع کردی گئی۔ ملزمہ نے پولیس پر تشدد کا الزام لگادیا، عدالت نے میڈیکل کروانے کی ہدایت کردی۔

یہ بھی پڑھیں: جرمنی میں ٹرین اسٹیشن پر چاقو حملے میں 12 افراد زخمی، خاتون گرفتار

ڈکیتی کی تفصیلات

نجی ٹی وی سما نیوز کے مطابق کراچی کے علاقے پی ای سی ایچ ایس کے گھر سے ٹک ٹاکر اور ساتھیوں کی 13 کروڑ روپے اور قیمتی سامان کی ڈکیتی سے متعلق کیس کی سماعت جوڈیشل مجسٹریٹ ایسٹ کی عدالت میں ہوئی۔

یہ بھی پڑھیں: سوڈان، رکشے اور ہوائی جہاز میں تصادم، 4 افراد ہلاک

ملزمان کی پیشی اور ریمانڈ

عدالت میں یسریٰ، نمبرہ شاہ، شہریار اور شہروز کو پیش کیا گیا، عدالت نے چاروں ملزمان کے جسمانی ریمانڈ میں 4 روز کی توسیع کردی۔

پولیس پر تشدد کا الزام

ملزمہ نمبرہ نے عدالت کے روبرو پولیس پر تشدد کا نشانہ بنانے کا الزام لگاتے ہوئے کہا کہ ہمیں پولیس نے تشدد کا نشانہ بنایا ہے۔ عدالت نے کہا کہ یہ تو ٹیٹو کا نشانہ ہے۔ عدالت نے پولیس کو ملزمہ کا میڈیکل کرانے کی ہدایت کردی۔