ڈراما انڈسٹری لڑکیوں کے لیے محفوظ نہیں: ریحام رفیق

ریحام رفیق کا انٹرویو

کراچی(ڈیلی پاکستان آن لائن)ابھرتی ہوئی اداکارہ، و ڈانسر ریحام رفیق نے کہا ہے کہ ڈراما انڈسٹری لڑکیوں کے لیے محفوظ جگہ نہیں ہے، آنے کی خواہش رکھنے والی لڑکیوں کو پہلے سے ہی انڈسٹری میں پیش آنے والے ممکنہ خطرات سے متعلق خبردار رہنا چاہیے۔

یہ بھی پڑھیں: مغربی طاقتوں کو تشویش ہے، مودی نے پھر جنگجویانہ لہجہ اپنایا، انتہاپسندوں کو یقین دلانے کا طریقہ تھا کہ ان کے کیا ارادے ہیں: فرانسیسی اخبار کا تجزیہ

ڈراما انڈسٹری کی حقیقت

ڈان نیوز کے مطابق ریحام رفیق نے حال ہی میں ملیحہ رحمٰن کو انٹرویو دیا، جس میں انہوں نے مختلف معاملات پر کھل کر گفتگو کی۔ ایک سوال کے جواب میں اداکارہ نے بتایا کہ ڈراما انڈسٹری میں اداکاراؤں کے درمیان نمبر ون کا مقابلہ رہتا ہے لیکن بعض اداکارائیں مقابلہ کرنے کے بجائے منفی رویوں میں مبتلا ہوجاتی ہیں۔

یہ بھی پڑھیں: سکون سے وہ مالا مال ہوتا ہے جو خدا کے نزدیک ہوتا ہے۔۔۔

مسابقت اور رویے

ان کا کہنا تھا کہ انہوں نے کبھی کسی سے مقابلہ نہیں کیا، نہ وہ کسی سے اپنا موازنہ کرتی ہیں، البتہ انہوں نے دیکھا ہے کہ بعض اداکارائیں دوسری اداکاراؤں سے جلتی ہیں، جس وجہ سے ماحول بھی خراب ہوتا ہے۔

یہ بھی پڑھیں: گوگل کی جانب سے پنجاب میں گوگل کروم بک کی فیکٹری لگانے کی پیشکش، وزیراعلیٰ مریم نواز نے بھرپور معاونت کی یقین دہانی کروادی

انسٹاگرام پر ردعمل

اداکارہ نے کہا کہ وہ انسٹاگرام پر تیاری یا منصوبہ بندی کرکے ریلز شیئر نہیں کرتیں، انہیں بعض ریلز پر تنقید کا نشانہ بنایا جاتا رہا ہے لیکن وہ ایسی باتوں پر توجہ نہیں دیتیں۔

یہ بھی پڑھیں: خیبر: پانی کے تنازع پر فائرنگ سے خاتون سمیت 4 افراد جاں بحق

شادی کا اثر

شادی سے متعلق سوال پر ریحام رفیق نے کہا کہ شادی کرنے سے ان کے کیریئر پر کوئی فرق نہیں پڑا، ان کے شوہر اور سسرالی بہت اچھے ہیں، ان پر کسی طرح کی کوئی پابندیاں نہیں۔

یہ بھی پڑھیں: پاکستان میں غیر قانونی طور پر مقیم 4 بنگلہ دیشی باشندوں کی ایران جانے کی کوشش ناکام، ایجنٹس سمیت گرفتار

زندگی کی آزادی

اداکارہ کے مطابق شوہر اور ساس نے نہ صرف انہیں اپنی مرضی سے زندگی گزارنے کی آزادی دے رکھی ہے بلکہ وہ ان کا خیال بھی رکھتے ہیں، چھٹی والے دن انہیں آرام کرنے کا کہتے ہیں۔

یہ بھی پڑھیں: بھولے لوگ سمجھتے ہیں کہ پارلیمان کی عمارت سجانے اور انتخابی فہرستیں چھاپنے سے جمہوریت آجاتی ہے، صحافی مبشر علی زیدی

محفوظ انڈسٹری کی حقیقت

ریحام رفیق کا کہنا تھا کہ شادی سے ان کی زندگی پر کوئی فرق نہیں پڑا، جیسے ان کی زندگی پہلے تھی، ویسی ہی شادی کے بعد ہے۔ ایک اور سوال کے جواب میں اداکارہ نے تسلیم کیا کہ ڈراما انڈسٹری لڑکیوں کے لیے محفوظ جگہ نہیں ہے۔

یہ بھی پڑھیں: مانسہرہ پولیس نے ناران میں ہائیکنگ کے دوران راستہ بھٹکنے والی جرمن سیاح خاتون کو بحفاظت ڈھونڈ لیا

لڑکیوں کی تیاری

ریحام رفیق کا کہنا تھا کہ نہ صرف ڈراما انڈسٹری بلکہ کوئی بھی انڈسٹری لڑکیوں کے لیے زیادہ محفوظ نہیں ہے، لڑکیوں کو خود ذہنی طور پر تیار رہنا چاہیے۔ ان کے مطابق ڈراما انڈسٹری میں آنے کی خواہش رکھنے والی لڑکیوں کو اپنی حفاظت کے طریقے آنے چاہیے، انہیں ذہنی طور پر بھی تیار رہنا چاہیے کہ وہ ایسی انڈسٹری کا حصہ ہیں جو زیادہ محفوظ نہیں، ان کے ساتھ کچھ بھی ہوسکتا ہے۔

انسانی انتخاب

ریحام رفیق نے بتایا کہ ہر انڈسٹری میں برے اور اچھے لوگ ہوتے ہیں، یہ انسان پر منحصر ہے کہ وہ کس راستے کا انتخاب کرتا ہے۔ اداکارہ نے یہ بھی واضح کیا کہ ان کے ساتھ کبھی کوئی خوشگوار واقعہ پیش نہیں آیا، تاہم انہوں نے ڈراما انڈسٹری کو لڑکیوں کے لیے غیر محفوظ قرار دیا۔