سپریم کورٹ بار کا پیٹرولیم مصنوعات کی قیمتوں میں اضافے پر اظہار تشویش، چینی کی برآمد پر بھی کڑی تنقید

سپریم کورٹ بار ایسوسی ایشن کا بیان

اسلام آباد (ڈیلی پاکستان آن لائن) سپریم کورٹ بار ایسوسی ایشن نے پیٹرولیم مصنوعات کی قیمتوں میں حالیہ اضافے اور چینی کی ممکنہ برآمد کے حکومتی فیصلے پر شدید تشویش کا اظہار کرتے ہوئے اسے عام آدمی پر مزید معاشی بوجھ قرار دیا ہے۔

یہ بھی پڑھیں: نوشکی، احمد وال سٹیشن پر مال بردار ٹرین پر راکٹ حملہ، انجن تباہ، پل بھی دھماکے سے اڑا دیاگیا

پیٹرولیم مصنوعات کی قیمتوں میں اضافہ

سپریم کورٹ بار کے صدر میاں رؤف عطا نے اپنے بیان میں کہا ہے کہ پیٹرولیم مصنوعات کی قیمتوں میں اضافہ فوری طور پر واپس لیا جائے کیونکہ اس کا براہِ راست اثر مہنگائی میں اضافے کی صورت میں عوام پر پڑ رہا ہے۔

میاں رؤف عطا نے کہا کہ حکومت نے بجٹ میں پہلے ہی مہنگائی سے ستائے عوام کو کوئی ریلیف نہیں دیا اور اب پیٹرول کی قیمتوں میں اضافہ کرکے عوامی مشکلات میں مزید اضافہ کر دیا گیا ہے۔

یہ بھی پڑھیں: پہلگام حملہ، بھارتی وزیرداخلہ کی سکیورٹی ناکامی کا ملبہ ہوٹل مالکان پر ڈالنے کی کوشش ناکام ہوگئی۔

چینی کی برآمد کے فیصلے پر تنقید

انہوں نے چینی کی برآمد کے فیصلے کو بھی تنقید کا نشانہ بناتے ہوئے کہا کہ حکومت کی جانب سے پہلے چینی درآمد کرنے اور پھر برآمد کرنے کے متضاد فیصلے مہنگائی میں مزید اضافے کا باعث بنیں گے۔

انہوں نے دعویٰ کیا کہ یہ اقدامات چینی مافیا کو فائدہ پہنچانے کے لیے کیے جا رہے ہیں جو کہ نہ صرف غیر دانشمندانہ ہیں بلکہ عام صارفین کے مفادات کے بھی منافی ہیں۔

یہ بھی پڑھیں: اہل پنجاب خبردار ۔۔۔ اب ٹریفک قوانین کی خلاف ورزی پر بھاری جرمانے ہونگے، آرڈیننس جاری کر دیا گیا

حکومت کے لیے وارننگ

سپریم کورٹ بار کے صدر نے حکومت کو خبردار کیا کہ چینی کی اسمگلنگ کو روکنے کے لیے فوری اور مؤثر اقدامات کیے جائیں اور چینی کی برآمد سے متعلق فیصلے عوامی مفاد کو مدنظر رکھتے ہوئے کیے جائیں۔