پیٹرولیم مصنوعات مہنگی ہونے کے بعد ریلوے نے بھی کرائے بڑھا دیے

پیٹرولیم مصنوعات کی قیمتوں میں اضافہ

لاہور (ڈیلی پاکستان آن لائن) پیٹرولیم مصنوعات کی قیمتوں میں اضافے کے بعد ریلوے نے بھی کرایے بڑھا دیے۔

یہ بھی پڑھیں: نادیہ حسین کے گھر میں چوری، اداکارہ نے خوفناک واردات کا انکشاف کردیا

ٹرینوں کے کرایوں میں اضافہ

مقامی اخبار ڈان نیوز کے مطابق پاکستان ریلوے نے ٹرینوں کے کرایوں میں 2 فیصد اضافہ کر دیا، جس کا نوٹیفکیشن جاری کر دیا گیا۔ نوٹیفکیشن کے مطابق ٹرین کرایوں میں اضافے کا اطلاق 4 جولائی سے کیا جائے گا، اور یہ تمام مسافر، شٹل اور سیلون گاڑیوں پر ہوگا۔

یہ بھی پڑھیں: تیز ترین قصائی جس کا دعویٰ ہے کہ 20 منٹ میں بکرے کا گوشت بنا دے

ایڈوانس بکنگ پر بھی اثر

نوٹیفکیشن میں مزید کہا گیا ہے کہ 2 فیصد کرایہ بڑھنے کا اطلاق ایڈوانس بکنگ پر بھی عائد ہو گا۔ ڈائریکٹر آئی ٹی اور ڈی ایس افسران کو نئے کرایوں پر عملدرآمد کی ہدایات جاری کردی گئی ہیں۔ ریلوے حکام کے مطابق ڈیزل مہنگا ہونے سے ریلوے کو ماہانہ 10 کروڑ 90 لاکھ روپے کا نقصان ہو رہا تھا۔

یہ بھی پڑھیں: جادوئی سمارٹ فون جو آپ کے اشاروں پر کام کرتا ہے

حکومت کا فیصلہ

واضح رہے کہ حکومت نے یکم جولائی سے 15 روز کے لیے پیٹرولیم مصنوعات کی قیمتوں میں 10 روپے تک کا اضافہ کر دیا تھا۔ وزارت خزانہ کی جانب سے جاری نوٹیفکیشن میں کہا گیا تھا کہ حکومت نے اوگرا اور متعلقہ وزارتوں کی سفارشات پر آئندہ پندرہ دن کے لیے پیٹرولیم مصنوعات کی قیمتوں میں ردوبدل کا فیصلہ کیا ہے۔

نئی قیمتیں

نوٹیفکیشن میں کہا گیا تھا کہ ڈیزل 10 روپے 39 پیسے اور فی لیٹر پیٹرول 8 روپے 36 پیسے مہنگا کیا گیا ہے، جس کے بعد ڈیزل کی نئی قیمت 272 روپے 98 پیسے اور پیٹرول کی نئی قیمت 266 روپے 79 پیسے فی لیٹر ہو گئی۔