یوٹیلیٹی اسٹور ملازمین کی بحالی کے فیصلے پر عمل نہ ہونے پر ذمہ دار افسران طلب

لاہور ہائیکورٹ کا اہم فیصلہ

لاہور(ڈیلی پاکستان آن لائن) لاہور ہائیکورٹ نے یوٹیلیٹی سٹور ملازمین کی بحالی کے فیصلے پر عمل نہ کرنے پر افسران کو طلب کرلیا ہے۔

یہ بھی پڑھیں: پاکستانی طلباء ہائی نان میں بین الثقافتی تبادلے کے فروغ اور طبی خدمات کی فراہمی میں سرگرم

درخواست کا پس منظر

نجی ٹی وی سما نیوز کے مطابق لاہور ہائیکورٹ میں یوٹیلیٹی سٹور ملازمین کی بحالی کے فیصلے پر عمل نہ کرنے کیخلاف درخواست پر سماعت ہوئی، جسٹس ساجد محمود سیٹھی نے کیس کی سماعت کی۔

یہ بھی پڑھیں: صرف بددعائیں دینے سے اسرائیل تباہ نہیں ہوگا، عبد القادر پٹیل

درخواست گزار کا موقف

درخواست میں موقف اختیار کیا گیا کہ عدالتی حکم کے باوجود ملازمین کو نوکری پر بحال نہیں کیا جا رہا۔ عدالت نے برطرفی کے حکم پر حکم امتناعی جاری کرکے بحالی کا حکم دیا، عدالت سے استدعا کی گئی کہ نوکری پر بحالی اور تنخواہوں کی ادائیگی کے احکامات جاری کرے۔

عدالت کا کارروائی کا فیصلہ

عدالت نے سرکاری وکیل کی درخواست ناقابل سماعت قرار دینے کی استدعا کو مسترد کرتے ہوئے یوٹیلیٹی سٹور کے ذمے دار افسر کو طلب کر لیا۔ ریمارکس میں کہا گیا کہ ذمہ دار افسر کو جیل بھی بھجوایا جائے گا اور اس کی تنخواہ بھی بند کی جائے گی۔