ن لیگ میں شمولیت کا معاملہ، پی ٹی آئی نے 4 منحرف اراکین اسمبلی کے خلاف بڑا فیصلہ کر لیا

تحریک انصاف کا اہم قدم

اسلام آباد (ڈیلی پاکستان آن لائن) پاکستان تحریک انصاف نے اپنے حمایت یافتہ 4 ارکان قومی اسمبلی کی (ن) لیگ میں شمولیت کے معاملے پر اہم قدم اٹھانے کا فیصلہ کرلیا۔

یہ بھی پڑھیں: بکرا منڈی میں جانوروں سے گفتگو

پارٹی کی پالیسی سے اختلاف

’’جیو نیوز‘‘ کے مطابق 26 ویں آئینی ترمیم کے موقع پر پی ٹی آئی کے 4 حمایت یافتہ ارکان نے پارٹی پالیسی سے اختلاف کیا تھا۔ اس کے نتیجے میں پی ٹی آئی نے بھی منحرف اراکین اسمبلی کے خلاف سپیکر کو ریفرنس بھیجنے کا فیصلہ کیا ہے۔

ارکان کے نام اور کارروائی

پی ٹی آئی رہنما اسد قیصر کے مطابق 4 اراکین میں چوہدری عثمان علی، مبارک زیب، اورنگزیب کھچی اور ظہور قریشی شامل ہیں جنہوں نے 26 ویں آئینی ترمیم میں ووٹ دیا۔ ان کے خلاف سفارشات مرتب کی گئی ہیں۔ جن ارکان نے (ن) لیگ میں شمولیت اختیار کی وہ پی ٹی آئی کے ٹکٹ پر جیتے تھے۔ پارٹی نے کہا ہے کہ ان 4 ارکان کے خلاف نااہلی کا ریفرنس سپیکر اور الیکشن کمیشن کو بھجوایا جائے گا۔ دیکھا جائے گا کہ وہ کیا کارروائی کرتے ہیں۔