الحمد للہ پنجاب روز بروز پلاسٹک فری ہونے کی طرف بڑھ رہا ہے: وزیراعلیٰ مریم نواز

وزیراعلیٰ پنجاب کا پلاسٹک سے پاک پنجاب کا عزم

لاہور (ڈیلی پاکستان آن لائن) وزیراعلیٰ پنجاب مریم نواز نے کہا ہے کہ الحمد للہ پنجاب روز بروز پلاسٹک فری ہونے کی طرف بڑھ رہا ہے۔ پلاسٹک بیگز کی جگہ ماحول دوست کپڑے اور کاغذ کی تھیلیوں کے استعمال کو فروغ دیا جا رہا ہے۔

یہ بھی پڑھیں: اسرائیلی حملے میں غزہ کی ڈاکٹر کے 9 بچے شہید، دسواں بچہ اور شوہر شدید زخمی

پلاسٹک آلودگی کی خطرناک اثرات

وزیر اعلیٰ پنجاب نے پلاسٹک بیگ فری ڈے پر اپنے پیغام میں کہا کہ پلاسٹک بیگز روزمرہ زندگی میں تھوڑی سی آسانی لاتے ہیں مگر صدیوں تک ماحول میں رہ کر تباہی پھیلاتے ہیں۔ انسان اپنی زمین، دریا، فضاء، فصلوں اور صحت کو پلاسٹک کی آلودگی سے نقصان پہنچا رہے ہیں۔ پلاسٹک بیگز زمین کی زرخیزی ختم کرتے ہیں، نکاسیٔ آب کے نظام بند کرتے ہیں اور آبی حیات کو ختم کرنے کا سبب بن سکتے ہیں۔ پلاسٹک کا استعمال کینسر سمیت دیگر مہلک امراض کی وجہ بن سکتا ہے۔

قوانین اور آگاہی کی مہمات

وزیر اعلیٰ مریم نواز نے کہا کہ پلاسٹک بیگز کے خاتمے کے لئے مارکیٹوں اور فیکٹریوں میں ماحولیات کے قوانین پر عمل درآمد کا کلچر متعارف کرایا جا رہا ہے۔ سکولوں، کالجوں، اور کمیونٹیز میں پلاسٹک فری پنجاب کا شعور اور آگاہی کی مہم جاری ہیں۔ پنجاب میں ری سائیکلنگ کے دوست متبادل متعارف کرائے جا رہے ہیں۔