ایران، اسرائیل جنگ بندی کے پیچھے بھی وردی ہے: وزیر داخلہ محسن نقوی کا انکشاف

محسن نقوی کا بیان

اسلام آباد (ڈیلی پاکستان آن لائن) وفاقی وزیر داخلہ محسن نقوی نے کہا ہے کہ ایران اور اسرائیل کے درمیان جنگ بندی میں وزیراعظم شہباز شریف کا اہم کردار ہے، اور اس پیشرفت کے پیچھے ہماری عسکری قیادت کا بھی نمایاں حصہ ہے۔ اس جنگ بندی کے پیچھے بھی وردی ہے۔

یہ بھی پڑھیں: آتش فشاں کے پھٹنے کی پیشگوئی کا نیا اور حیران کن طریقہ دریافت کرلیا گیا

محرم الحرام کے حوالے سے علماء سے ملاقات

اسلام آباد میں محرم الحرام کے حوالے سے تمام مکاتب فکر کے علمائے کرام سے گفتگو کرتے ہوئے محسن نقوی نے کہا کہ 14 اگست کو فیصل مسجد میں تمام مکاتب فکر کے علما کو ایک ساتھ نماز ادا کرنے کی دعوت دی گئی ہے تاکہ دنیا کو اتحاد و یکجہتی کا پیغام دیا جا سکے۔ انہوں نے علما سے محرم کے دوران مذہبی ہم آہنگی اور اتحاد کے فروغ میں اپنا کردار ادا کرنے کی اپیل بھی کی۔

یہ بھی پڑھیں: پاکستان کی سہیل سسٹرز نے کامن ویلتھ پاور لفٹنگ چیمپئن شپ میں گولڈ، سلور اور برانز میڈل جیتے

غیبی مدد کی مثال

اس موقع پر وزیر داخلہ نے انکشاف کیا کہ بھارت کے ایک حملے کے دوران پاکستان کو "غیبی مدد" حاصل ہوئی۔ ان کے مطابق، بھارت نے ایک پاکستانی بیس پر 11 میزائل داغے جہاں 9 یا 11 پاکستانی طیارے موجود تھے، مگر تمام میزائل بیس سے باہر گرے اور کوئی نقصان نہیں ہوا۔ محسن نقوی نے مزید بتایا کہ پاکستان نے جواباً میزائل فائر کیے، جن میں سے ایک میزائل تکنیکی خرابی کی وجہ سے بھارتی شہری آبادی کی طرف جا سکتا تھا، لیکن وہ اللہ کے فضل سے بھارت کے سب سے بڑے آئل ڈپو پر جا لگا، جو کہ ان کے بقول غیبی مدد کی ایک اور مثال ہے۔

یہ بھی پڑھیں: وفاقی کابینہ میں مزید 10 ارکان کو شامل کئے جانے کا امکان، نام بھی سامنے آگئے

آرمی چیف کی ثابت قدمی

وزیر داخلہ نے یہ بھی کہا کہ بھارت کے حملے کے وقت آرمی چیف پوری ثابت قدمی کے ساتھ ڈٹے رہے اور ان کا عزم تھا کہ اگر بھارت نے جارحیت کی تو پاکستان اس کا چار گنا جواب دے گا۔

پاکستان کی قیادت کا کردار

ایران اسرائیل جنگ بندی پر بات کرتے ہوئے محسن نقوی نے دوبارہ زور دیا کہ سیزفائر میں وزیراعظم شہباز شریف اور عسکری قیادت دونوں کا بڑا کردار ہے، جبکہ عالمی قیادت کو قائل کرنے میں بھی پاکستان کی قیادت نے مؤثر سفارتی کردار ادا کیا۔