انگلینڈ کے خلاف ڈبل سنچری، شبمن گل نے کئی ریکارڈ توڑ دیے

شبمن گل کی شاندار ڈبل سنچری

برمنگھم (ویب ڈیسک) بھارت کے ٹیسٹ کپتان شبمن گل نے انگلینڈ کے خلاف پانچ میچز کی سیریز کے دوسرے ٹیسٹ میں ڈبل سنچری اسکور کرکے کئی ریکارڈز اپنے نام کرلیے۔

یہ بھی پڑھیں: پنجاب کابینہ نے پارلیمنٹیرینز کی تنخواہ میں اضافے کی منظوری دیدی

انگلیند کے خلاف دوسرے ٹیسٹ کا پس منظر

جیو نیوز کے مطابق انگلینڈ اور بھارت کے درمیان 5 ٹیسٹ میچز کی سیریز کا دوسرا میچ برمنگھم میں جاری ہے جہاں جمعرات کو میچ کے دوسرے دن بھارتی کپتان شبمن گل نے بھارت کی پہلی اننگز میں شاندار ڈبل سنچری اسکور کرتے ہوئے 269 رنز بنائے۔

یہ بھی پڑھیں: ورلڈ سنوکر، محمد آصف نے تیسرا گروپ میچ بھی جیت لیا

خصوصی ریکارڈز

یہ شبمن گل کے ٹیسٹ کیریئر کی پہلی ڈبل سنچری ہے۔ 269 رنز کی اننگز کھیل کر شبمن گل نے ٹیسٹ کرکٹ میں سب سے بڑی اننگز کھیلنے والے بھارتی کپتان کا اعزاز حاصل کرلیا۔ اس سے قبل یہ ریکارڈ ویرات کوہلی کے پاس تھا جنہوں نے 2019 میں بحیثیت کپتان 254 رنز بنائے تھے۔

یہ بھی پڑھیں: عمرہ ویزے کی آڑ میں پہلے سعودی عرب اور پھر غیرقانونی طور پر سمندر کے راستے اٹلی جانے کی کوشش ناکام، 5 مسافر کراچی ایئرپورٹ سے گرفتار

انگلینڈ میں نئی تاریخ

اس شاندار کارکردگی کے ساتھ 25 سالہ گل انگلینڈ میں ڈبل سنچری بنانے والے پہلے بھارتی کپتان بن گئے۔ شبمن گل نے انگلینڈ میں بھارتی کپتان کی جانب سے سب سے بڑی ٹیسٹ اننگز کا محمد اظہر الدین کا 35 سال پرانا ریکارڈ بھی توڑ دیا، جنہوں نے 1990 میں مانچسٹر میں 179 رنز بنائے تھے۔

یہ بھی پڑھیں: بھارت نے اپنا سب سے وزنی مواصلاتی سیٹلائٹ مدار میں بھیج دیا، کن علاقوں کی کوریج کرے گا؟ جانیے

بھارتی بیٹر کا نیا ریکارڈ

اس کے علاوہ شبمن گل انگلینڈ میں ٹیسٹ میچ کی ایک اننگز میں سب سے بڑا انفرادی اسکور بنانے والے بھارتی بیٹر بھی بن گئے۔ انہوں نے سابق بھارتی لیجنڈری کرکٹ سنیل گواسکر کا ریکارڈ توڑا، جنہوں نے 1979 میں اوول کے میدان پر 221 رنز بنائے تھے۔

یہ بھی پڑھیں: بھارت پاکستان کی صلاحیتوں سے بخوبی واقف ہے، مہم جوئی کی کوشش کی تو بڑا نقصان اٹھانا پڑے گا: احسن اقبال

ٹیم کی کارکردگی کا جائزہ

واضح رہے کہ انگلینڈ کے خلاف دوسرے ٹیسٹ میں بھارتی کرکٹ ٹیم پہلی اننگز میں 587 رنز بنا کر آؤٹ ہوئی۔ جواب میں انگلش ٹیم نے دوسرے دن کا کھیل ختم ہونے تک 3 وکٹوں پر 77 رنز بنائے۔