آزاد کشمیر میں دریا اور نالوں میں نہاتے ہوئے 5 افراد جاں بحق

افسوسناک واقعات کا تسلسل

مظفر آباد (ڈیلی پاکستان آن لائن) آزاد کشمیر کے مختلف علاقوں میں افسوسناک واقعات پیش آئے ہیں، جہاں دریا اور نالوں میں نہاتے ہوئے دو نوجوانوں سمیت تین بچوں نے جان کی بازی ہار دی، جبکہ ایک طالبہ پاؤں پھسلنے کے باعث گہری کھائی میں گر کر جاں بحق ہوگئی۔

یہ بھی پڑھیں: 190 ملین پاؤنڈ ریفرنس، عدالت نے 14 صفحات اور 79 سوالوں پر مشتمل سوال نامہ بانی پی ٹی آئی کو فراہم کر دیا

وادی نیلم میں حادثات

نجی ٹی وی آ ج نیوز نے سٹیٹ ڈیزاسٹر مینجمنٹ اتھارٹی (ایس ڈی ایم اے) کے حوالے سے بتایا کہ وادی نیلم میں شیخ بیلہ کے مقام پر 22 سالہ شہزاد منظور نہاتے ہوئے دریائے نیلم میں ڈوب گیا۔ اسی وادی میں جاگراں نالے میں 10 سالہ حسن نامی بچہ پانی کی تیز لہروں کی نذر ہو گیا۔

یہ بھی پڑھیں: معروف میڈیا ہاؤس کے مالک ’سلمان فاروقی‘ کا گاڑی سے ٹکر مارنے پر نوجوان پر تشدد، شرمناک ویڈیو وائرل

ڈڈیال میں غمناک سانحہ

ڈڈیال میں ایک افسوسناک واقعے میں دو معصوم بھائی بالے میں نہاتے ہوئے ڈوب گئے، جن کی لاشیں مقامی افراد نے نکال لیں۔ سہنسہ میں بھی ایک نوجوان کے ڈوبنے کی اطلاع موصول ہوئی۔

یہ بھی پڑھیں: افضل گرو سے پہلگام تک بھارت کا ہر الزام بے نقاب ہوا، آج بھی ثبوت دینے سے قاصر ہے: عظمیٰ بخاری

طالبہ کا حادثہ

وادی شاردہ میں دسویں جماعت کی ایک طالبہ پاؤں پھسلنے کے باعث کھائی میں گر گئی، جس سے وہ موقع پر ہی دم توڑ گئی۔ مقامی انتظامیہ نے تمام واقعات کی تصدیق کرتے ہوئے شہریوں کو احتیاطی تدابیر اختیار کرنے کی اپیل کی ہے۔

ایس ڈی ایم اے کی ہدایات

ایس ڈی ایم اے اور ریسکیو حکام نے شہریوں سے اپیل کی ہے کہ وہ موسم گرما میں دریا اور نالوں میں نہانے سے گریز کریں، کیونکہ حالیہ بارشوں کے بعد پانی کے بہاؤ میں شدت آئی ہے، جو جان لیوا ثابت ہو سکتی ہے۔